Mando sa IATF: Di na obligahon ang mga senior

citizens nga personal nga mokuha og pension

 

MANILA, Feb. 19 (PIA)--Gimando sa pamunoan sa Inter-Agency Task Force (IATF) sa mga ahensya sa gobyerno, nagkalain-laing mga bank ug financial institutions nga dili na obligahon ang mga tiguwang o mga senior citizens nga magpakita og personal o mag- personal appearance aron makuha ang ilang mga binuwan nga pensyon.

 

“The IATF on Thursday, February 18, 2021, mandated pension-issuing agencies and their servicing banks and other financial institutions to adopt alternative modes of validation for senior citizen pensioners,” pahayag pa ni Presidential Spokesperson Kalihim Harry Roque.

 

Matud pa niini nga kini tungod kay gi-protektahan sa gobyerno ang kaluwasan sa mga senior citizens batok sa COVID-19.

 

Dugang pa sa Kalihim, ang mga senior citizens ang vulnerable sa virus.

 

Kahinumdoman nga ubos sa kamanduan sa IATF, gipapangita niini og laing paagi ang mga nagkalain-laing ahensya ug institusyon nga i-validate ang mga tigulang nga pensioners.

 

Kaniadto, gi-obliga na sa mga pension-issuing agencies ang personal nga pagduso sa mga gikinahanglang dokumento sa mga senior citizens aron padayon nilang madawat ang ilang binuwan nga pensyon. (ecb/PIA7-Bohol)

Gimando sa IATF sa mga ahensya sa gobyerno, nagkalain-laing mga bank ug financial institutions nga dili na obligahon ang mga tiguwang o mga senior citizens nga magpakita og personal o mag- personal appearance aron makuha ang ilang mga binuwan nga pensyon. (PIA)