Balaod nga CREATE, gilagdaan na ni Duterte

MANILA, Mar. 29 (PIA)--Gilagdaan na ni Presidente Rodrigo Roa Duterte isip balaod ang Corporate Recovery and Tax Incentives for Enterprises Act (CREATE) nga nagtinguhang us-osan ang corporate income tax rate aron makadani og mas daghang foreign investments ug matabangan’g makabawi ang ekonomiya sa nasod gikan sa COVID-19 pandemic.

Nahisulod sa Republic Act 11534 o CREATE nga kunhoran ang corporate income tax

ngadto sa 25% gikan sa 30% alang sa mga dagkong kumpanya samtang 20% usab alang sa mga gagmay nga negosyo hangtod sa 2029.

Apan pipila ka probisyon niini ang na-veto o gitangtang ni Presidente Duterte partikular ang real property VAT exemptions.

Gipahayag ni Presidente Duterte nga ang CREATE Act magsilbi isip giya nga dokumento alang sa mga negosyo ug industriya sa nasod hangtod sa mosunod nga mga dekada.

Apil usab sa mga na-veto ang balaodnong sakaan ang value added tax-exempt threshold sa real property sales.

Gitumbok sa Presidente nga ubos sa Tax Code, ang sale o pagbaligya og balay ug yuta ug uban pang susama nga kabtangan nga may presyong dili motaas sa P2.5 milyon, VAT-exempt na.

Mao nga ang balaodnong sakaan hangtod P4.2 milyon ang threshold, pahimoslan lamang sa mga adunahan o may kaya nga makapalit og nindot nga balay ug moabot sa P155.3 bilyon ang mawalang buhis gikan 2020 hangtod 2023.

Gitangtang usab ni Duterte ang probisyong nagtakda og 90-day period sa pagproseso sa general tax refunds tungod kay giingong “administratively impracticable” kini.

Apil pa sa mga na-veto ang item ng nagtinguhang excluded o dili kauban ang land and operating expenses isip parte sa investment, apil na usab ang redundant incentives alang sa domestic enterprises ug ang maglimita unta sa gahom sa Fiscal Incentives Review Board sa mga proyekto o aktibidad nga may investment capital nga P1 bilyon.

Wala usab gi-aprobahan ni Presidente Duterte ang automatic approval sa mga aplikasyon sa mga kompanya alang sa insentibo tungod kay paglapas kini sa polisiyang pagdawat o pagbalibad base sa merito. (ecb/PIA7-Bohol)

Gilagdaan ni Presidente Duterte niadtong Marso 26, 2021 ang RA 11534 o ang Corporate Recovery and Tax Incentives for Enterprises Act (CREATE). (PCOO)