Libreng face mask sa 

tanan, gimando ni Duterte

 

TAGBILARAN CITY, Mar. 17 (PIA)--Kinahanglang mahatagan og libreng face mask ang tanan aron makasunod sa minimum health protocols, matud pa ni Presidente Rodrigo Roa Duterte.

 

Sa Talk to the People on COVID-19 niadtong Lunes sa gabii, Marso 15, miingon ang Presidente nga pila ka higayon gigamit ang mga daang mask ilabi na sa mga wala’y ikapalit.

“It’s the mask, ilang gamit lang ‘yan. Iba luma na, isang buwan na gamit because they don’t have money to buy,” matud pa ni Duterte.

Gibalik na usab sa Presidente ang una niining pahayag nga angay manghatag og libreng mask ang gobyerno.

“We have to provide masks for everyone. Kung yung tao walang pambili, how would you expect compliance,” pahayag pa ni Duterte.

Gitahasan sa Presidente ang Department of Interior and Local Government (DILG) ug mga kapitan sa barangay nga motabang sa pangapod-apod og face mask sa ilang mga nasakupan.

Gawas sa pagsuot og face mask, kinahanglan usab nga magsuot og face shield ang mga mogawas sa ilang panimalay ug sundon ang gipatuman nga social distancing aron makalikay sa COVID-19. (ecb/PIA7-Bohol)

Gihinumdoman ni Presidente Duterte ang sektor sa mga kabos nga mas ‘vulnerable’ nga mataptan sa COVID-19 virus mao nga iyang gimando nga sila ang mas tutokan ug tabangan sa gobyerno. (PIA)