DOH, nipasidaan sa paggamit

og aspirin kontra COVID-19

TAGBILARAN CITY, May 3 (PIA)--Nipasidaan ang Department of Health (DOH) sa publiko batok sa paggamit og aspirin sa mga pasyente nga may COVID-19 tungod kay mahimo kining makamatay imbes nga makaayo.

Kini ang gipagawas nga pahayag sa DOH kalabot sa nikatap nga pekeng impormasyon sa social media nga nang-awhag sa katawhan nga gamiton ang aspirin tungod kay matud pa dili man gikan sa virus ang COVID-19 apan tungod sa bacteria.

Matud pa sa gipakatap nga post, ang Russia nag awtopsiya og usa ka namatay sa COVID-19 ug dinhi giingong nadiskubre nga ang bacteria matud pa ang makaingon og blood clotting mao nga maglisod ang pasyente sa pagginhawa.

Apan gitumbok sa DOH nga usa ka matang sa virus ang COVID-19 ug dili bacteria mao nga dili angay ipa-inom sa pasyente ang aspirin og walay abiso sa doktor tungod kay delikado ug kuyaw kini.

“Hindi inirerekomenda ang pag-inom ng aspirin pangontra sa COVID. Ang maling pag-inom nito ay maaaring magdulot ng pagdurugo sa katawan at pagkamatay. Ito ay binibigay lamang sa mga pasyenteng kailangang mai-admit sa ospital,” matud pa sa pahayag sa DOH.

Nanawagan ang DOH sa publiko nga beripikahin kanunay ang mga impormasyong makuha sa social media sa mga lehitimong sources. (ecb/PIA7-Bohol)

Nanawagan ang DOH sa publiko nga beripikahin kanunay ang mga impormasyong makuha sa social media sa mga lehitimong tinubdan niini. (DOH/PIA7-Bohol)