Mga kapitan sa brgy nga magpasagad sa

pagkatap sa COVID-19 ipaaresto – Duterte

MANILA, May 27 (PIA)--Gibalik og mando ni Presidente Rodrigo Roa Duterte sa mga kapolisan nga arestohon ang mga kapitan sa barangay nga pakyas sa pagbawal sa mga nahitabong panagtapok o mass gathering aron malikayan ang pagkatap sa COVID-19.

Sa pakighinabi ni Duterte sa publiko Miyerkoles sa gabii, Mayo 26, miingon kini nga usa ka pagpasagad sa katungdanan sa gipanumpaang katungdanan sa kapitan sa barangay kun pasagdan lamang ang mahitabong takdanay sa virus.

Didugang usab sa president nga dalhon sa mga kapolisan ang mga maarestong kapitan sa barangay ug imbestigahan sa ilang pagpasagad.

Wala usab natago sa pangulo ang iyang pagkadismaya nga daghang mga kapitan sa barangay ang nagpasagad lamang sa mga nahitabo nga panagtapok sa ilang lugar.

“Pakulong ko kayo, I will look for a suitable law because you are forcing my hand. Ayaw ninyo, pasaway, e. ‘Yan ang problema ko sa Filipino… Napipilitan ako. Magtrabaho kayo if you really are worth your status there. Kung ayaw ninyo, umalis kayo,” pahayag pa sa presidente.

Matud pa ni Duterte nga dili rason ang kadaku sa nasakupang lugar sa usa ka kapitan sa barangay aron dili mapatuman ang health protocols. (ecb/PIA7-Bohol)

Sa pakighinabi ni Duterte sa publiko Miyerkoles sa gabii, Mayo 26, miingon kini nga usa ka pagpasagad sa katungdanan sa gipanumpaang katungdanan sa kapitan sa barangay kun pasagdan lamang ang mahitabong takdanay sa virus. (PIA)