35.5M trabahante mabakunahan

sa pagpalapad sa listahan sa A4

TAGBILARAN CITY, Bohol June 7 (PIA) -- Laing 35.5 milyones nga mga trabahanti ang mabakunahan kung muabot na ang suplay sa COVID-19 nga bakuna, subay sa mando sa goberno alang sa expansyon sa A4 list.

Ang National Economic and Development Authority nagsulti nga daghan’g mga Pilipino ang mabakunahan lakip na ang mga trabahante nga apil sa nag-alagad sa mga batakan’g nga sector sa ekonomiya.

Lakip na usab ang mga trabahante nga anaa sa pribadong sektor nga kinahanglang naa permi sa ilang trabahoan, mga empleyado sa ahensya sa goberno ug mga trabahante sa gawas ug sulod sa panimalay.

Si Socioeconomic Planning Secretary Karl Chua nagsulti nga mas taas og risgo ang mga trabahante nga nagtrabaho duol sa daghang mga tawo o involved sa economic activities.

Ang first batch sa bakuna nga para sa gipalapdan nga A4 group ihatag sa duol sa 13 milyones ka trabahante sa NCR lakip na ang 8 ka lugar nga anaay daghang kaso sa nasod, sama sa Batangas, Cavite, Laguna, Rizal, Bulacan, Pampanga, Metro Cebu ug Metro Davao.

Lain nga 22.5 milyones ka trabahanti ang madungag gikan sa gawas sa NCR para sa kinatibuk-an nga 35.5 ka milyones. (John Paul Elicano/PIABohol intern)