1200 kawayan napatamum sa

Clarin sa World Bamboo Day

TAGBILARAN CITY, Bohol (PIA)— Kinatibuk-an nga 1,200 ka mga nagkadaiyang matang sa kawayan ang nagtimaan sa World Bamboo Day nga karong tuiga gihimo sa mga Bol-anon didto sa lungsod sa Claron, Septembre 18.

Didto, mga Bol-anon gikan sa mga ahensya sa kagamhanan, tunghaan, civic groups, pribadong sector kauban sa Department of Trade and Industry (DTI), Department of Agriculture (DA), Department of Environment and Natural Resources (DENR), Department of Education (DepEd), Bureau of Fire Protection (BFP), Philippine Coast Guard (PCG), Philippine National Police (PNP), Provincial Government of Bohol (PGBh), Bohol Provincial Environment Management Office (BPEMO), Bohol Island State University (BISU), ug ang Sangguniang Kabataan (SK) sa Clarin, kauban ang United Bohol Bamboo Advocates, Inc. (UBBAI), Lions Club, Toyota Bohol, ug Alpha Kappa Rho, mingsaka sa Nahawan, Candajec, Buangan, ug Tubod aron mananom sa kawayan.

Mga Iron Bamboo, Giant Bamboo, ug Bema Bamboo ang gipangtanum, samtang kini gitumong nga mopalig-on sa gisawhang panaad sa Bohol nga iduso ang kawayan isip malungtaron nga kahinguhaan sa panginabuhian, pagpatunhay sa kultura ug pagpanalipod sa nagkadunot nga kalikopan.

Sukad mahuman ang 8th World Bamboo Congress in Bangkok, Thailand nga gi-pasiugdahan sa World Bamboo Organization, nahimo na nga kalibutanong pagtimaan sa Septembre 18 isip World Bamboo Day.

Sa Bohol, kahinumduman nga ang unang pagtimaan sa World Bamboo Day didto gihimo ang pagpananum sa Garcia Hernandez, sunod sa Lila,ug karon, ang lungsod sa Clarin maoy host.

ANg pagpananum didto sa Clarin, nagpadayag sa kamahinungdanon sa kawayan sa kalikopan ug sa ekonomiya kay sa kapid-an n aka henerasyon, ang kawayan kaluha na sa kinabuhi sa mga Bol-non.

Ang kasagarang balay sa mga Bol-anon, may gigamit nga kawayan, sa mga umahan, sa panagatan, ug bisan na gani sa pagpatukod ug pagpabarug sa mga pangpublikong mga gambalay.

Ang kawayan nagpabilin pa usab nga importante nga gamit sa pangpangitag kabuhian sa katawhan.

Ang pagpananum sa Clarin gihimo kauban sa Bohol Bamboo Industry Development Council (BBIDC). (PIABohol)

KALIKOPAN, PANGINABUHIAN. Sa duh aka oras, 1200 ka mga kawayan ang napatanum didto sa mga barangay sa Clarion, atul sa World Bamboo Day isip tampo sa mga Bol-anon sa pagpahandum sa mahinungdanon nga adlaw. (PIABohol)