88 ka kanhi rebelde,

nangayo’g amnestya

TAGBILARAN CITY, Bohol, (PIA)— Kawaloan ug walo na ka kanhi rebelde ang pormal nga mipadangat sa ilang kasibut nga makakuha sa amnestiya sa mga salaod nga ilang nahimo samtang naglihok sa armadong pakigbisug.

KIni maoy kasayuran nga gipaambit nu Charra Nicole Alinob, sakop sa secretariat sa Local Amnesty Board (LAB) nga gipahimutang sa National Amnesty Commission (NAC) dinhi sa Bohol.

Ang pagpangandoy nga makakuha sa amnestiya maoy kinatumyan sa tumong sa mga kanhi rebelde, aron mahimo na sila nga kampante nga maglakaw-lakaw human ming tahan balik sa kagamhanan, nga wala nay tinugyanan sa balaod nga mosikop kanila.

Tanan nga mga salaod nga namugna sa us aka rebelde, mahimong mapapas ug kalimtan na lamang, basta mapamatud-an nga kini iyang gihimo aron sa pagpa-asdang sa politikanhong katuyuan, pasabut ni Alinob.

Hinuon, sa 88 ka mga aplikante nga nakuha na sa LAB, ang 67 niini kasamtangan pa nga gilihok pinaagi sa verification o pagsuta kon kini anaa bas a listahan sa mga gipangita sa mga tinugyanan kay may kaso nga tubagon, kon migamit bas a saktong pangalan didto sa kalihukan o nag-alyas lamang ug kon matudo ba nga sila naglihok kaniadto sa armadong kalihukan.

Us aka hiniusang bahan sa mga tinugyanan nga gilangkoban sa kapolisan, kasundalohan, korte, departamento sa nasudnong panalipod, mga abogado ug sa local nga Task Force sa Ending Local Communist Armed Conflict ang mga subayons a LAB kon may mga atraso ba kini nga wala mahi-apil sa mga kaso nga abin sa rebelyon.

Dili tanang kaso nga nahimo sa us aka kanhi rebelde, mahimo nga kahatagan sa manestiyam dugang ni Alinob, tungod kay ang mga kaso nga dili suporta sa politikanhong tinuohan, dili maapil sa amnestiya. (PIABohol)

NAGLAUM. 88 ka mga kanhi rebelde na ang nangandoy nga mahatagan og amnestiya aron mapapas na ang mga kaso nga gipasaka kanila, taho sa Local Amnesty Board pinaagi sa secretariat niini didto sa Kapihan sa PIA. (PIABohol)