SSS LoanLite gilusad aron mapanalipdan

ang mga miyembro batok sa mga loan shark

TAGBILARAN CITY, Bohol (PIA)--Gipahibalo sa Social Security System (SSS) ang paglusad sa SSS LoanLite, usa ka groundbreaking micro-lending program nga gipadagan sa Union Bank of the Philippines.

Kini nga inisyatiba gidesinyo sa paghatag og accessible, luwas, ug barato nga kredito ngadto sa minilyon nga mga miyembro sa SSS, ilabi na sa mga bulnerable sa predatory lending practices.

Atol sa Serbisyong NextGen – Pagsaulog sa 40 ka Tuig sa SSS ug UnionBank Partnership nga gipahigayon sa Sugbo niadtong Setyembre 17, 2025, si SSS President ug CEO Robert Joseph Montes De Claro ug UnionBank President ug CEO Ana Aboitiz Delgado nangulo sa ceremonial unveiling sa SSS LoanLite.

Ang SSS LoanLite magtanyag og mga short-term loans nga adunay mga tenor gikan sa 15 ngadto sa 90 ka adlaw, nga ipahaum aron matubag ang dinalian nga pinansyal nga panginahanglan sa mga Filipino nga trabahante, lakip ang Overseas Filipino Workers (OFWs).

Kini nga programa kabahin sa mas lapad nga digitalization ug financial inclusion nga estratehiya sa SSS, pagsiguro nga ang mga miyembro maka-access sa kredito nga dili mabiktima sa mga loan shark. Ang plano mao ang pagpatubo sa loan book para sa SSS LoanLite ngadto sa P40-B sulod sa mosunod nga duha ka tuig.

Ang nga nag-unang features sa SSS LoanLite naglakip sa kantidad sa pautang nga gipahaum sa mga panginahanglanon sa miyembro gikan P5,000 taman P20,000, 15 ngadto sa 90 ka adlaw nga mga termino sa pagbayad, adunay 8% nga interest rate matag tuig ug makatarunganon nga bayronon sa serbisyo, bug-os nga digital nga aplikasyon ug proseso sa pag-apruba, direkta nga pag-kredito sa mga account sa UnionBank o MySSS Card ug proteksyon batok sa dili pormal nga pagpahulam sa mga loan shark.

Ang paglusad sa SSS LoanLite nagtimaan sa usa ka mahinungdanong milestone sa public-private collaboration tali sa SSS ug UnionBank, nga nagpalig-on sa ilang hiniusang panglantaw sa inclusive, tech-enabled nga pinansyal nga serbisyo alang sa tanan.

Gi-awhag ang mga miyembro sa SSS nga magpabiling updated alang sa opisyal nga rollout (target sa katapusan sa 2025) ug mga detalye sa aplikasyon pinaagi sa SSS website ug UnionBank Online App. (ECB/PIA7-Bohol)

May opsyon na sa dali nga pautang ang mga miyembro sa Social Security System human gilusad ang SSS LoanLite, kauban ang Unionbank nga nagtumong sa paghatag og makaya ug luwas nga pautang alang sa mga miyembro niini. Gipangunahan nila UnionBank President ug CEO Ana Aboitiz Delgado ug SSS President ug CEO Robert Joseph Montes De Claro ang ceremonial unveiling sa SSS LoanLite niadtong Setyembre 17, 2025 sa Sugbo. (SSS/PIA)