30 gibansay aron makapasabut

Sa importansya sa geoparks

TAGBILARAN CITY, Bohol (PIA)— Aron mas mahatagan og pagtutok sa pagseguro nga dili matangtang ang Bohol Island Geopark sa mga geoparks sa tibuok kalibutan, mipailawom ang 30 ka mga Bol-anon sa bansaybansay aron pagpasabut niining usa ka paagi sa pagpatunhay sa talagsaon nga mga gasa sa Bohol aron maambitan sa mga kaliwatan.

Kahinumduman nga ang United National Educational Scientific ug Cultural Organization (UNESCO) mipasulod sa Bohol niadtong 2021, isip kabahin sa 229 ka mga geoparks sa 50 ka mga nasud sa kalibutan.

Ang UNESCO Global Geopark mogamit sa iyang kayutaan nga gipanunod, subay usab sa iyang kapanulundan, nga nagapos usab sa natural ug kulturanhong kagahapon aron ikapatunay pinaagi sa pagpasanut sa komunidad kabahin niini.

Didto sa Panglao Vista Suites, ang mga mingsalmot nga nagagikan sa sector sa academe, kabatan-onan ug lokal nga kagamhanan gibansay aron dugang ikapasabut ang labing uang geopark sa nasud nga ang Bohol.

Pinaagi sa mga resource persons nga nagdumala sa mga sessions, gilauman nga ang matag partisepante maka tabang sa pagpasabut sa kamahinungdanon sa pag-panginlabut sa tanan alang sa katunhayan sa kinatibuk-ang Bohol isip geopark. (PIABohol)

DUGANG TIGPASABUT. Pinaagi sa pagbansay sa 30 ka mga dugang tigkampanya aron mapasabut ang kabilinhon sa geoparks, gilauman sa Bohol nga kini makatabang sa pag-aghat sa katawhan nga apilan ang hiniusang buhat pagpatunhay sa kalikopan. (PIAbohol)