P50M financial aid sa OP,

‘Wa pa moabut sa Bohol’

TAGBILARAN CITY, Bohol (PIA)— Wala pa madawat sa Bohol ang gisaad sa presidente nga ihatag niin agi og tabang human ma-igo ang Bohol sa duha ka nasunod nga mga katalagman sama sa linug ug bagyo nga Tino.

Kahinumduman nga didto sa Sugbo sa iyang pagbisita sa mga kalungsuran nga na-igo sa katalagman, misaad ang si Presidente Ferdiannd Marcos Jr nga ang Office of the President (OP), may kinatibuk-an nga P760 milyones isip financial assistance sa mga local government units nga apektado sa mga katalagman.

Gisaad sa presidente ang tag P50 milyones sa matag lalawigan sa Cebu, Capiz, Surigao del Norte, Iloilo, Bohol, ug Negros Occidental; tag P40 milyones sa Eastern Samar, Surigao del Sur, Southern Leyte, Antique, ug Aklan.

Human sa hitabo, daghan na ang nangutana kon giunsa ra sa Bohol ang nadawat niini nga P50M.

Apan, didto sa full council nga tigum sa Provincial Disaster and Risk Reduction Management Council, gitaho ni Capitol Chief of Staff Manlalaban Filipina Asoy-Piollio nga hangtud karon, wala pa madawat sa Bohol ang gisaad.

Didto usab sa susamang tigum sa konseho, gibutyag nga kon moabut na sa Bohol ang nahisgutan nga pundo, gamiton kini aron pagtukod sa mga forward warehouses nga kabutangan sa mga hinabang gikan sa goberno alang sa mga maapektohan sa mga magsingabut nga katalagman.

Gilaraw na sa Bohol ang pagpabarug og warehouse nga magsilbi usab nga forward base sa mga rescue workers didto sa Ubay, sa Getafe nga may mga isa nga barangay, ug sa Jagna.

Gibutyag usab ni PDRRM Officer Dr Anthony Damalerio nga magkuha og pundo gikan sa Trust Fund sa Disaster aron makasugod na sa pagtukod sa Phase 1 sa warehouse sa Ubay. (PIABohol)

PANGANDAMAN ANG KATALAGMAN. Human makasinati og kalisud pagpalabang sa mga hinabang ngadto s amga apektadong barangay sa mga kaislahan sa Bohol, nahukman nga ipahimutang na ang mga duol nga warehouse sa mga posibleng isal nga maapektohan, gamit ang pundo sa gobernor, matud ni Damalerio. (PIABohol)