Mga ahensya sa gobyerno gi-awhag sa

pagpakunhod sa konsumo sa gasolina sa 10%

TAGBILARAN CITY, Bohol (PIA)--Sa mando ni Presidente Ferdinand R. Marcos Jr., ang Inter-Agency Energy Efficiency and Conservation Committee (IAEECC) nagpagawas og advisory nga nanawagan alang sa higpit nga pagpatuman sa mga lakang sa pagdaginot sa enerhiya taliwala sa nagpadayong tensyon sa Middle East.

Ang advisory, nga gilagdaan ni Department of Energy (DOE) Kalihim Sharon Garin, ang IAEECC Chairperson, nag-awhag sa tanang ahensya sa nasudnong gobyerno, government-owned or controlled corporations (GOCCs), state universities and colleges (SUCs), ug local government units (LGUs) nga pakunhoran ang konsumo sa gasolina labing menos 10 porsyento.

“In light of the recent global situation and the uncertainty in petroleum supply brought about by the ongoing conflict in the Middle East, the Department of Energy (DOE) is adopting a proactive and collective measure to safeguard the country’s energy security (Tungod sa bag-o nga kahimtang sa kalibutan ug ang kawalay kasiguruhan sa suplay sa petrolyo nga dala sa nagpadayon nga panagbangi sa Middle East, ang Department of Energy (DOE) nagsagop sa usa ka proactive ug kolektibo nga lakang aron mapanalipdan ang seguridad sa enerhiya sa nasud)," ang advisory nag-ingon.

Gawas sa mga lakang sa pagdaginot sa enerhiya, si Garin nagkanayon nga ang tanang government entities gi-awhag sa pagmando sa fuel-efficiency ug conservation measures sa ilang mga opisina ug pasilidad.

Ang Kalihim niingon nga ang tanang ahensya sa gobyerno kinahanglang higpit nga mopatuman sa fuel efficiency ug conservation practices sulod sa ilang opisina ug mga operasyon, lakip na ang regular ug preventive vehicle maintenance; standardized nga sistema sa pagmonitor sa sakyanan; full-tank nga pamaagi para sa saktong pagsukod sa fuel efficiency sa sakyanan; optimized nga pagdumala sa byahe; hinay-hinay nga pagbalhin ngadto sa electric o hybrid nga mga sakyanan; fuel-efficient kinaiya sa drayber; ug pagsumite sa binulan nga mga taho sa konsumo.

Matud pa ni Garin nga hugot nga bantayan sa DOE ang pagsunod sa advisory.

Aron ma-validate ang pagsunod, ang DOE Energy Audit Team magpahigayon og energy audits ug random spot checks sa tanang government entities. (ECB/PIA7-Bohol)

Agig tubag sa kamandoan ni Presidente Ferdinand R. Marcos Jr. nga magdaginot sa enerhiya tungod sa tensiyon sa Middle East nga makaapekto sa presyo sa krudo ug gasolina, ang Department of Energy (DOE) nipahibalo sa mga ahensya sa gobyerno sa mga lakang nga makatabang sa pagkunhod sa konsumo sa gasolina hangtod sa 10 porsiyento. (PIA)