Pag-IBIG mideklara sa ₱64.34B record nga dibidendo sa 2025;

Regular savings mokita og 6.62%, M₱2 mokita og 7.12%

TAGBILARAN CITY, Bohol (PIA)--Ang mga miyembro sa Home Development Mutual Fund o Pag-IBIG Fund makapaabot og mas taas nga pagbalik sa ilang mandatory ug boluntaryong savings diin gipahibalo sa mga opisyal niadtong Biyernes ang mas taas nga dividend rates alang sa 2025.

Atol sa Pag-IBIG Chairman’s Report 2025 nga kalihokan sa Pasay City, si Pag-IBIG CEO Marilene Acosta mideklarar og dibidendo nga P64.34 bilyones alang sa tuig, katumbas sa 98.6% payout ratio nga milapas sa minimum nga 70% nga pagbalik sa tinuig nga net income niini ngadto sa mga miyembro.

Matud pa ni Acosta nga kini ang labing taas nga dividend sa kasaysayan sa Pag-IBIG Fund.

Ang deklarasyon sa dibidendo naggikan sa likod nga net income nga P65.8 bilyones.

Atol usab sa maong kalihokan, si Acosta ug Department of Human Settlements and Urban Development (DHSUD) Kalihim Jose Ramon Aliling, kinsa nangulo usab sa Pag-IBIG Fund Board of Trustees, mipahibalo sa dividend rate alang sa regular nga savings nga 6.62%, mas taas sa 6.60% nga gitakda sa 2024, ingon man ang kita sa Modified Pag-IBIG2% savings (MP2) 2. 7.10% sa miaging tuig.

Ang Pag-IBIG gimandoan sa pagmugna og mga tinigom pinaagi sa pagkamiyembro sa usa ka integrated nationwide savings system ug pagpalihok sa provident funds sa mga miyembro niini alang sa mga katuyoan sa pabalay.

Matud pa ni Aliling nga gimarkahan na usab sa Pag-IBIG Fund ang 2025 isip usa sa labing maayo nga mga tuig niini, tungod kay ilang gideklarar ang pinakataas nga kantidad sa mga dibidendo sa ilang 45 ka tuig nga kasaysayan.

Niadtong 2025, ang kontribusyon sa mga miyembro miigo sa taas nga rekord nga P160.41 bilyon, nga 21% matag tuig, nga adunay boluntaryo nga kontribusyon nga mikabat sa P93.6 bilyon, nga milabaw sa mandatory nga kontribusyon nga P66.80 bilyon.

Ang kita sa pamuhunan mitubo usab og 50% ngadto sa P9.43 bilyon, nga nagsuporta sa kinatibuk-ang kahimtang sa panalapi nga adunay kinatibuk-ang kabtangan nga mikabat sa P1.23 bilyon. (ECB/PIA7-Bohol)

Gi-anunsiyo sa Pag-IBIG Fund (HDMF) ang 2025 dividend rates—6.62% alang sa Regular Savings ug 7.12% alang sa MP2 Savings. Kini nagpasabot nga mas midako pa ang inyong tigom. (PIA)