Bohol host sa DairyConEx 

Dinhi sa BCC, Mayo 23-35 

TAGBILARAN CITY, Bohol, May 21 (PIA)—Sa labing unang higayon, dawaton sa Bohol ang gatusan ka dairy stakeholders nga manganhi dinhi sa Tagbilaran dungan sa ika 21 ka nasudnong tapok nga mahitabo sugod sa Mayo 23-25, 2018 dinhi sa Bohol Cultural Center (BCC). 

Matud ni Provincial Veterinarian Dr Stella Marie Lapiz, ang pag-abi-abi sa Bohol sa nasundong Congress subay kini sa laraw nga ipakita sa mga Bol-anon ang maayong kahigayunan sa pag-apil sa mga kahugpungan nga matahasan nga mamuhi og baka o kabaw nga gatasan. 

Ang Dairy Congress and Expo (DairyConEx), maoy labing dako nga pagtapok sa nga manggagatas, mga tigtabang nga government extension workers, mga financing institutions, magbabalaod, pribado ug langyaw nga mamumuhunann, mga taga tunghaan, mga tighimog produkto gikan sa gatas, mga estudyante, konsumidor ug mga lumilihok sa industriya sa panggatas, segun pa ni Dr. Lapiz. 

Kahinumduman nga una na nga gipadayag sa nasudnong kagamhanan pinaagi ni Kalihim sa Agrikultura Emmanuel Manny Pinol nga buot nila nga ang Bohol himoon nga Dairy Capital sa nasud. 

Bisan pa nga sa kasamtangan, ang Bohol dili maoy may labing dako nga produksyon sa gatas, ang maayong kapasidad niini sa mga mag-uuma, lapad nga mga kayutaan ug lig-on nga suporta sa local nga kagamhanan dili magpalisud sa laraw, butyag usan ni Dairy Confederation of the Philippines Chairman Isidro Albano, didto sa Kapihan sa PIA. 

Ang paggatasan sa Bohol usa pa lamang ka nag-sugod nga industriya, apan sa kasamtangan, makakuha na kita og 1,000 ka litro nga gatas sa kabaw ug baka sa matag adlaw, taho ni Dr. Lapiz kinsa nagbasi usab sa mga gitaho sa National Dairy Authority ug sa Philippine Carabao Center. 

Ang native nga baka ug kabaw, mohatag og labing menos duh aka lito nga gatas sa matag adlaw, samtang ang mga baka o kabaw nga may taas nga kalidad, makahimo sa 12-20 ka litros nga gatas matag adlaw. 

Ang gatas karon sa Bohol gipalit sa tag P50 ang litro, mao nga ang paggatagasan maghatag gayud sa inadlaw nga kita sepal sa mga galastohon ug panginahanglan sa balay, dugang ni Dr Lapiz. 

Gawas pa, dili usab mogatas ang baka og kabaw kon dili kini manganak. Niini, tataw lang nga gawas pa sa gatas, may nati usab ang banay mga mahimong padak-on ug patambokon aron ikabaligya ug may dugang pang kuta ang banay. 

Sa DairyConEx, hisgutan ang mga pamaagi ug teknolohiya, ipasupot ang mga suportang balaod non ug magpadayag ang mga tigproseso sa gatas sa ilang mga plano aron hugot nga kasuportahan ang mga maggagatas. (rahc/PIA-7/Bohol)