Pasulit sa FOE, POE ug BCLTE, 

gi-oktaba sa CSC sa Hunyo 24 

TAGBILARAN CITY, Mayo 17 (PIA)--Gipahibalo sa Civil Service Commission (CSC) sa mga mokuha og pasulit sa Fire Officer Examination (FOE), Penology Officer Examination (POE), ug Basic Competency on Local Treasury Examination (BCLTE) nga gitakda sa Hunyo 17, 2018 nga gi-oktaba kini. 

Base sa CSC Examination Advisory No. 11, s. 2018, gi-oktaba ang maong pasulit ngadto sa Hunyo 24, 2018, pagka-sunod Domingo sa orihinal nga gitakdang petsa sa pasulit. 

Ang rescheduling gi-implementar aron pagseguro sa episyente ug paghatag og igong panahon alang sa pagpangandam sa mga administrative requirements ug procedures alang sa pagpahigayon sa maong pasulit. 

Kini tungod sa pagtimaan sa duha ka nagsingabot nga mga national holidays sa buwan sa Hunyo nga mao ang Araw ng Kalayaan sa Hunyo 12 ug ang Eid'l Fitr o pagtapos sa Ramadan sa Hunyo 15, 2018. (ecb/PIA7-Bohol).