Pahibalo sa DepEd: Klase sa elementarya

ug sekondarya sa Enero 2, kanselado 

TAGBILARAN CITY, Dec. 21 (PIA)--Gi-anunsiyo sa Department of Education (DepEd) ang kanselasyon sa klase ug trabaho sa elementarya ug sekondarya alang sa Enero 2, 2019.

Sa gipagawas nga Memorandum No. 193 series of 2019 nga gi-petsahan og Disyembre 19, miingon si DepEd Kalihim Leonor Briones nga kini agi usab og pagsunod sa Memorandum Circular No. 54 nga gipagawas sa Office of the President.

Matud pa sa maong memo nga desisyon na sa mga school administrators sa mga pang-pribadong tunghaan ang ilang pag-suspenso sa klase sa maong petsa.

Niadtong Disyembre 17, nagpagawas og memorandum ang Malakanyang alang sa tanang kawani sa gobyerno nga nag-suspenso sa trabaho sa Enero 2, 2019 pinaagi sa Memorandum Circular 54 nga gilagdaan ni Executive Secretary Salvador Medialdea.

Kahinumdoman usab nga nagpahibalo og suspensiyon sa trabaho ang mga korte ug bisan ang mga state universities ug colleges sa maong petsa. (ecb/PIA7-Bohol)