Negosyo Center gibuksan 

Didto’s Getafe, Sagbayan 

TAGBILARAN CITY, Bohol December 21 (PIA)—Sulod sa lima ka minutos, gisubhan ang bag-ong gibuksan nga Negosyo Center (NC) sa Sagbayan ug natunol gilayon ngadto sa usa ka tag-iyahan og galingan ang renewal sa iyang business permit. 

Gitunol mismo ni Department of Trade and Industry (DTI) Regional Director Asteria Caberte ngadto kang Francisca Centinales Lomosbog, tagdumala sa Lomosbog Ricemill ang business name certificate, ang isipon na karon nga labing una nga business certificate nga giproseso sa NC Sagbayan. 

Ang pagbukas sa NC Sagbayan, Disyembre 21, 2018, usa ka dako nga kadaugan sa Bohol sanglit kini maoy ika 15 nga NC nga gibuksan. 

Dihang pagkabuntag pa niadtong adlawa, gibuksan usab ang NC sa Getafe, nga gisaksihan usab nila ni Mayor Casey Shaun Camacho, Vice Mayor Eduardo Torremocha samtang si Gob Edgar Chatto girepresentahan ni Bokal Agapito Avenido, lakip na ang mga tinugyanan sa Office of the Provincial Agriculture. 

Ang programa sa pagbukas sa Negosyo Center gisuportahan sa DTI sanglit kini na maoy mahimong responsible sa pagduso sa pagpasayon sa pagsugod ug pagpadagan sa negosyo samtang magbukas kini sa mga serbisyo ug tambag alang sa Micro, Small, ug Medium Enterprises (MSMEs). 

Ang pagtukod sa mga NC sa tibuok Pilipinas, gimandu usab sa Republic Act No. 10644 oang nailhan nga “Go Negosyo Act,” nga buot mohatag og lig-on nga dugukan nga magpalig-on sa MSMEs aron usab makapasugod sa mga oportunidad sa kapanginabuhi-an. 

Sa gibuksan nga NC sa Sagbayan, mapaabut na sa mga gagmay nga mamumuhunan ang mga serbisyo sama sa pagpakonsulta sa negosyo ug pagpadangat sa mga pahibaw ug tambag, pagkuha ug pagtambag kabahin sa pagparehistro sa negosyo ug pagpalisensya niini, kalakip na ang mga paghimo og mga kampanya ug pagpakatap sa kasayuran kabahin sa negosyo ug pamuhunan. 

Matud ni DTI RD Caberte, “ang go negosyo act nagamandu sa tanang ahensya nga nagalangkub sa Micro Small Medium Enterprise Develioment (MSMED) Council sa pagpadagan sa mga programa nga mag-agak sa mga gagmay nga mamumuhunan.” should run programs to assist MSMES. 

Niini, dugang niya, ang DTI nagatan-aw sa economic dynamism sa mga local nga kagamhanan sa pagpabukas sa ilang NCs, isip pagtuman sa saad sa mga nangalagad sa mga local nga kagamhanan. 

Ang gibuksan nga NC sa Sagbayan, maoy ika 145 nga NC sa tibuok Pilipinas, paambit ni Caberte. 

Didto usab sa pagbukas sa NC Sagbayan ang mga kapitan sa kabarangayan, Kongresista Erico Aristotle Aumentado, taga Department of Science and Technology, Technical Education Skills Development Authority, Department of Interior and Lcoal Government ug Office of the Provincial Agriculture. (rahc/PIA-7/Bohol)

Gitunol ni DTI RD Asteria Caberte ang business name certificate nga gi renew ni Francisca Centinales Lomosbog, tagdumala sa Lomosbog Ricemill, kinsa mitala sa labing una nga transaksyon nga nakompleto pagbukas sa NC Sagbayan. (DTIBohol)