Aghat sa SSS: isumbong

ang mga text, online fixers

TAGBILARAN CITY, Bohol Jan. 4 (PIA)—Sa maka usa pa, gipahimangno-an sa Social Security System (SSS) ang mga miyembro niini nga magbantay ug dili magpailad ilabi na sa mga tawo nga kunohay nanghanggat nga maoy moproseso sa mga dokumento bugti sa bayad nga tawgon og processing fee.

Daghan nga mga sakop sa SSS ang magkuha pa sa mga SS Numbers ug kopya sa SSS Form E1, o sa Unified Multipurpose Identification Card (UMID) apan gitanyagan og serbisyo sa mga fixers nga nabuhi sa pagpangilad sa online.

Ang mga fixers, giila pinaagi sa ilang tanyag sa pagpasayon sa pagkuha sa mga dokumentos ug uban pang transaksyones bugti sa kwarta.

Kasagaran man gani sa labing bag-o nga matang sa fixing mao ang online scamdiin ang mga fixers adto na mag-aghat sa ilang serbisyo sa online, segun sa SSS.

Niini, sa usa ka pahibaw, gitataw sa SSS nga wala pa mahibato nga ang SSS nakigsabut sa mga fixers ug third party agents aron maningil ug mao’y mohimo sa mga pagproseso sa transaksyon ug p[agkuha sa mga dokumentos sa mga sakop niini didto sa ilang buhatan.

Gipasalig sa SSS nga hangtud nga kompleto ang mga papeles nga gikinahanglan sa us aka transaksyon ug walay suliran nga motumaw, hapsay ug walay bayranan ang pagproseso.

Namatikdan na usab sa SSS nga may mga sakop na nga nabiktima ilabi na sa giingon nga mas dali nga pagpagawas ilabi na sa pension, loans ug mga benepisyo.

Daghan na nga mga sakop ang wala makakompleto og dawat sa pension, loan o uban pang benepisyo kay may tipak na niini nga adto tilabho sa bulsa sa mga fixers.

Karong bag-o, ang SSS Central Office mipagawas na usab sa pahunumdom alang sa mga sakop nga nga ming apply alang sa UMID card nga nakadawat sila og mga text og aghat sa facebook aron tabangan sa pagproseso niini bugti sa kwarta.

Ang SSS, wala magkolekta og mga bayranan sa pagpadali sa mga pagproseso sa UMID cards tungod kay ang pagproseso sa applications, himoon dayon sa kon kinsa ang maka una.

Kon ugaling may makadawat og text o awhag sa Facebook kabahin sa serbisyo sa pagproseso nga may bayad, hangyo sa SSS, isumbong gilayon sa labing duol nga buhatan. (rahc/PIA-7/Bohol)

PAHIBALO DALANG PAHIMANGNO. Kini nga poster gipagawas sa SSS human mamatikdi ang pagdaghan sa pangilad nga mangganggat og serbisyo nga pabayran bisan pa og libre ang serbisyo sa SSS. (gihubad sa PIABohol)