Bohol may 36 ka veterinary inspectors

magbantay sa ASF sa mga pantalan

CORTES, Bohol, Sept 14 (PIA) –Padayon ang pagpaneguro sa Bohol nga dili makasulod sa lalawigan ang African Swine Fever (ASF) ug migamit na kin isa tabang sa 36 ka bag-ong veterinary quarantine inspectors alangs a 11 ka mga pantalan nga may mga nagdunggo nga barko dinhi.

Kini ang gipaambit sa opisyal sa Human Resource Management Division sa Kapitolyo, sa usa ka pagpakighinabi sa media.

Si Romeo Teruel, kinsa maoy hepe sa HR sa kapitolyo mibutyag nga gawas sa 36 ka mga beterinaryo nga inspector nga nagtutok sa pagpanghiling sa mga bitbit sa mga pasahero nga mosulod sa Bohol sa mga pantalan, nagpalit usab og dugang power sprayers o bomba nga maoy gamiton aron pasiritan sa mga kemikal nga mopatay sa kagaw nga mahimong makarga sa mga sakyanan nga gikan sa gawas og mosulod sa Bohol.

Kahinumduman nga sukad nabalita ang pagkatap sa ASF, nagkatapok dayon ang Bohol ASF Task Force aron dal inga masirad-an ang mga utlanan sa Bohol ug maseguro nga ang mga makasulod, walay dala nga karne o niluto nga baboy, mga lawog o pagkaon sa baboy nga wala makaagi sa nakasabutan nga protocols alang niini.

Kaniadto sapagsugod sa balita sa ASF, mipahiluna ang Task Force pinangulohan ni Provincial veterinarian Stella Marie Lapiz sa protocols nga gilatid usab sa hepe ehekutibo sa lalawigan pinaagi sa Orden Ehekutibo.

Sa matag barko nga modunggon sa Bohol, ilabi na kon gikan sa mga lugar nga duol sa mga lalawigan nga namatikdana ng sakit, mismo ang cargo hold sa barko ug ang mga karga niining trucks, pasiritan sa kemikal samtang naa pa sa barko ug laing sirit na usab sa paggawas niini.

Human sa kemikal nga pagpasirit, tirahan na usab kin isa tubig, aron maseguro nga wala na kini kagaw nga aksidente nga madala pasulod sa Bohol.

Sa mga pasahero, moagi sila sa ilang pag-abut sa Bohol sa mga tumbanan nga may tambal aron mamatay ang kagaw nga possible nga mopilit sa sapatos, sinilas ug mga sandals.

Trabaho na usab sa mga veterinary quarantine inspectors ang pagseguro nga masubay dayun ang mga dokumento sa mga kargamento nga moagi sa mga pantalan alang sa pagseguro nga walay misdeclaration nga mahitabo ug karne o niluto diay nga baboy ang dala.

Si Dr Lapiz usab padayon nga nakig-alayon sa mga lokla nga kagamhanan nga may mga dunggoanan sa barko ug pasahero, kinsa mahimong makadala sa kontaminado nga karne.

Usa lamang ka kaso sa kontaminado nga karne nga makasulod, mahimo na niini nga pakatapon ang sakit ug patyon hangtud mapuo ang mga baboy dinhi.

Kon mahitabo, kini na maoy labing kuyaw nga hulga s amga nagbaboyan alangs a ilang panginabuhian ug pangunsumo. (rahc/PIA_7/Bohol)