NWRB mi-awhag sa publiko magdaginot

og tubig taliwa sa hulga sa El Niño

TAGBILARAN CITY, Bohol, May 30 (PIA)--Ang National Water Resources Board (NWRB) niadtong Huwebes mi-awhag sa publiko sa pagtabang sa gobyerno nga maminusan ang epekto sa nag-ung-ong nga El Niño phenomenon pinaagi sa pagkonserbar sa tubig.

“Habang tayo po sa pamahalaan ay ginagawa po natin kung papaano mabigyan ng seguridad iyong tubig na pangangailangan po ng mga kababayan po natin, mas maganda po na tumulong din po ang publiko at mga kababayan po natin sa pamamagitan po ng tamang paggamit po ng tubig,” matud pa ni NWRB executive director Sevillo David Jr. atol sa Laging Handa media forum.

Si David nagkanayon nga si Presidente Ferdinand R. Marcos Jr. nihimo na og direktiba sa pagpakusog sa mga lakang sa pagkonserba sa tubig aron makapangandam kita sa posibleng epekto sa El Niño.

Matud pa niini nga ang tanang ahensya sa gobyerno ubos sa El Niño Team nga gimugna ni Presidente Marcos naghisgut na karon sa posibleng mitigating measures o contingency plans aron maminusan ang epekto sa El Niño phenomenon.

Si Davide miingon nga ang pagpaaktibo pag-usab sa mga lawom nga atabay ug ang mga pasilidad sa pagtambal sa tubig anaa na karon.

“At ang siste po ngayon, dahil may pangamba po ng El Niño ay kailangan talaga din po nating paghandaan,” matud pa ni David. (ecb/PIA7-Bohol)