Q2 nat'l simultaneous quake drill gitakda sa Hunyo 8

TAGBILARAN CITY, Bohol, May 30 (PIA)--Ang Office of Civil Defense (OCD) mipahibalo nga ang National Simultaneous Earthquake Drill (NSED) alang sa ikaduhang quarter karong tuiga mahitabo sa Hunyo 8.

Sa post sa Facebook page niini, ang OCD niingon nga ang kalihokan mahitabo sa alas 9 sa buntag.

Nanawagan kini sa publiko nga moapil sa drill, nga nagtumong sa pagpakunhod sa mga kaswalti kung adunay kusog nga linog nga moigo sa nasud.

“Sabay-sabay tayong mag-duck, cover, and hold dahil Bida ang Handa," panawagan pa sa OCD.

Ang unang kwarter sa NSED nahitabo niadtong Marso 9 nga adunay magnitude 7.2 nga linog isip senaryo.

Una nang gipahinumdoman sa OCD ang publiko sa pagsunod sa mosunod nga mga lakang o protocol kung adunay linog:

Kung naa sa sulod sa usa ka building, magpabiling kalmado ug buhaton ang "Duck, Cover and Hold."

Motago ubos sa lig-on nga lamesa ug kuptan kini. Magpabiling alerto sa posibleng mga hulga.

Likayan ang bildo nga mga bintana, estante, ug bug-at nga mga butang.

Human mohunong ang pagtay-og, mogawas sa building ug moadto sa gitudlo nga evacuation area.

Kung naa ka sa gawas, balhin sa hawan nga lugar, likayan ang mga building, kahoy, poste sa kuryente, ug mga lugar nga dali nga mahulog sa yuta.

Ug kung naa ka sa naglihok nga sakyanan, hunong ug gawas sa sakyanan. (ecb/PIA7-Bohol)

Ang Nationwide Simultaneous Earthquake Drill o NSED usa ka quarterly exercise nga gipangunahan sa OCD aron mapalambo ang pagkahibalo sa linog ug pagkaandam sa kinatibuk-ang publiko. Tumong usab niini nga palig-onon ang kaandam sa mga local government units sa higayon nga adunay kusog nga pag-uyog sa yuta ug ang mga secondary hazard niini sama sa sunog, tsunami, ug liquefaction. Kining Nationwide nga kalihokan unang gikonsepto sa panahon sa Arroyo Administration human sa makagun-ob nga linog sa Yogyakarta, Indonesia niadtong 27 Mayo 2006. (OCD/PIA)