NMYL Bohol nanguna sa pagpanday

Sa 2022-25 action agenda–BM Jamie

TAGBILARAN CITY, Bohol, June 5, (PIA) – Wala pa man makasugod ang ubang lugar sa pagpatawag og tigum aron mapanday ang ilang mga plano alang sa 2022 ngadto sa 2025, nagsugod na og pagpatuman sa ilang Action Agenda sa 2022-2025 ang National Movement of Young Legislators (NMYL) sa Bohol.

Kini maoy gipaambit ni Board Member Jiselle Rae Aumentado Villamor, ang Presidente sa NMYL Bohol ug kasamtangan nga Bise Presidente sa NMYL sa Central Visayas.

Didto sa General Assembly sa NMYL nga nahitabo sa miaging semana didto sa Be Grand Hotel and Resort sa Panglao, pormal usab nga gilagdaan sa kapin sa 80 ka mga regular nga sakop ug honorary ug associate nga sakop sa NMYL ang ilang Action Agenda nga maoy ilang giya sa mga sakop alang sa pagtabang sa Bohol nga makasubay sa mga polisiya ug paningkamot niini alang sa tunhay ug malampusong kaugmaran subay sa panglantaw sa mga lideres niini.

Ang NMYL kahugpungan sa mga batan-ong napiling opisyal, 40 anyos pa-ubos nga mahimong batan-ong Bise Gobernador, Bokal sa Sangguninag Panlalawigan, Kagawad sa Syudad, Kagawad sa lungsod, Sangguniang Kabataan Federated Presidents, Liga ng mga Barangays ug kagawad sa mga barangay.

Mahimo usab nila nga honorary ug associate members ang kadtong daang sakop nga minglapas na sa 40 apan duyog pa gihapon sa kawsa nga nahasubay sa pilosopiya sa NMYL.

Sa kasamtangan, nanguna pa gihapon ang Bohol NMYL isip maoy tigpanday sa kausaban ngadto na sa ethical nga pagpanguna ngadto sa maayong pagpangalagad, subay sa ilang motto: Lead with the mind, serve with the heart.

Binugkos ang ilang mga kamot, ilang gikapakita ang ilang paghiusa sa kanunay nga pagpadayag sa ilang mga baruganan isip mga batan-ong magbabalaod, ilabi na sa mga hisgutanan nga may kalambigitan sa kaayuhan sa kadaghanan.

Gipanaad usab nila ang hiniusang barug sa pagsuporta sa mga ordinansa nga magkiling ngadto sa pagpalit sa mga local nga produkto kay sa mga imported nga gamit, ang pagpatunhay sa suporta sa Bohol isip lalawigan nga mailhan sa paggamit sa limpyong enerhiya ug pabor sa kalikopan alang sa malungtarong pag-ugmad, u gang agduso sa kultura nga matuod nga Bol-anon ug sa turismo.

Subay niini, ang NMYL sa ilang namantala nga action agenda magpadayon sa ilang pagpanday og tinabangay sa local nga mga pribado ug publikong sector alang sa pagpatuman sa mga programa nga mgapalig-on s amga Bol-anong komunidad.

Ila usab nga hingusgan ang pagpanday sa mas molahutay nga mga komunidad nga makasugakod sa mga kata;agman, ug magtabang sa pagpakunhod sa epekto sa nagkausab nga panahon.

Nanaad usab sila nga lig-ononpa ang ilang pundok aron mamahimong tinubdan sa inspirasyon isip makamao, lantip ug mamugnaon nga mga batan-ong lider nga kanunay maglambigit sa katawhan nga mosalmot aron mapatinuod ang action agenda sa Bohol. (PIA-7/Bohol)

GIKA-IBGAN. Wala pa gani makatawag og tigun ang ubang chapters sa NMYL, magsugod nag pagpatuman sa ilang nahuman nag panday nga NMYB Bohol Action Agenda alang sa 2022-2025, matud pa ni BM Jamie Villamor, didto sa General Asssembly sa pundok didto sa Be Grand. Gikaibgan ang NMYL Bohol tunghod sa pagpas ug abtik nga lihok niini. (PIAbohol)