Group insurance sa casuals

JO workers, gitun-an sa SP

TAGBILARAN CITY, Bohol, Oct 8 (PIA)—Sa pila na ka nanglabay nga administrasyon, karon lang nga nahimong seryoso ang paglantaw sa Kagamhanang Probinsyal sa kaayuhan sa mga trabahante niini pinaagi sa Contract of Service o Job Order.

Gilantaw na sa Bohol nga tun-an ang posibilidad nag ang libo-an niini ka contractual ug job order employees ilabi na niadtong nagtrabaho sa mga delikado nga gimbuhaton nga i-apil sa group insurance.

Gani, mohangyo na ang kagamhanan ngadto sa Government Service Insurance System (GSIS) nga ikapasabut ang programa niini nga Group Personal Accident Insurance (GPAI), ngadto sa mga opisyales sa Kapitolyo, Local Finance Committee, sa League of Municipalities, Liga ng mga Barangay ug sa nga LGUs, aron kapundohan na kon kinahanglan ang bayranan nga insurance premiums niini.

Ang maong nahukman nga lakang, nahugyaw diha nga ang Provincial Ecological Solid Waste Management Board (PESWMB) mipagawas sa Resolution No. 1, Series of 2024, nga naghangyo sa Sangguniang Panlalawigan pinaagi ni Bokal Jiselle Rae Aumentado Villamor, Committee on Environment chair, nga magpanday og balaodnon nga magaghat sa Municipal Local Government Units (MLGUs) nga ipasulod sa group insurance ang ilang Job Order Workers ilabi na kadtong anaa naghimo sa Solid Waste Management (SWM) functions.

Matud sa PESWMB, mahimo nga kining premiums nga bayranan sa insurance, adto ikarga sa Disaster and Risk Reduction Management (DRRM) funds kon walay pahat ang LGUs.

Matud sa Sangguniang Panlalwigan, importante kayo nga kapanalipdana ng mga trabahante nga naghimo sa mga delikado nga buhat, aron ang mga nag-unang serbisyo, dili mawani, maseguro ang panada alang sa himsug, luwas ug malungtarong kalikopan.

Sa pagpanuki-duki sa SP Committee, aduna nay 21 ka mga 21 local government units sa Bohol ang nakasugod na sa ilang group insurance, butang nga buot usab sa Kapitolyo nga masayran giunsa ang pamaagi niini nga napundohan. (RAHC/PIA_7/Bohol)

ALANG SA KAAYOHAN SA TRABAHANTE. Gisugdan na sa SP ang pagtuki unsaon nga makahimo kini sa pagpasulod sa mga Job Order Workers ug Casuals sa group insurance, iyawat may makuha kin ikon ma-aksidente o masakit dala sa delikado nga trabaho niini. (PIABohol/BM Villamor FB)