PHLPost nagpagawas og requirements sa pagkuha og postal ID

TAGBILARAN CITY, Bohol (PIA)--Nagpagawas ang Philippine Postal Corporation (PHLPost) niadtong Oktubre 19 og mga requirement sa aplikasyon sa bag-o ug renewal sa postal IDs.

Matud pa sa PHLPost nga ang mga bag-ong aplikante angay moduso sa mga muosunod:

1.) kopya sa duly-accomplished PID application form;

2.) proof of identity sa pagdala og orihinal nga kopya ug usa ka photocopy sa national ID, national ID (digitized and/or paper), birth certificate gikan sa PSA o local civil registry nga adunay resibo gi-isyo sulod sa 6 ka buwan, GSIS UMID card, SSS UMID card, driver’s license, passport, marriage certificate alang sa mga minyo nga babaye (kun ang dokumento ug IDs nga giduso wala gibutang ang married name); ug

3.) proof of address sa pagdala og orihinal nga kopya ug pagpasa og usa ug usa ka photocopy sa bisan asa niining mga mosunod: barangay certificate of residency nga gi-isyu sulod sa 3 ka buwan prior sa PID application, barangay residence ID, certified true copy of lease, certified true copy of titles nga gi-isyu sa Land Registration Authority (LRA), certified true copy of real estate tax receipt, bank statement, credit card statement, school billing statement, ug utility bill (cable, electric, internet, landline, telephone, water).

Samtang alang sa mga mag-renew sa ilang postal ID, angay moduso ang aplikante sa mga sumusunod:

1. kopya sa duly-accomplished PID application form;

2.) alang sa renewal – ang ilang expired postal ID; alang sa nawala nga valid postal ID – duly-notarized affidavit of loss;

3.) proof of identity – magdala sa orihinal nga kopya ug (1) photocopy sa mga mosunod nga mga dokumento (moduso og usa lamang sa mga mosunod: national ID, national ID (digitized and/or paper), birth certificate gikan sa PSA o Local Civil Registry nga adunay resibo sulod sa 6 ka buwan, GSIS UMID card, SSS UMID card, driver’s license, passport, marriage certificate alang sa mga minyo nga babae (kun ang dokumento ug IDs giduso wala nagdala sa married name);

4.) proof of address – orihinal nga kopya ug (1) photocopy sa mga mosunod nga dokumento (1 lamang sa mga mosunod) : barangay certificate of residency nga gi-isyu 3 ka buwan prior sa PID application, barangay residence ID, certified true copy of lease certified, true copy of titles nga gi-isyu sa Land Registration Authority (LRA), certified true copy of real estate tax receipt, bank statement, credit card statement, school billing statement, ug utility bill (cable, electric, internet, landline, telephone, water).

Gi-awhag sa PHLPost ang mga aplikante sa pag-adto lamang sa pinakaduol nilang Capturing Post Office aron maka-apply. (ecb/PIA7-Bohol)

Ang mga kinahanglan alang sa pagkuha og bag-o ug pag-renew sa Postal ID application. Gi-awhag sa PHLPost ang mga aplikante sa pag-adto lamang sa pinakaduol nilang Capturing Post Office aron maka-apply. (PHLPost/PIA7-Bohol)