PSA subling nipasidaan kalabot sa pagkaylap

sa pekeng balita kalabot sa Nat’l ID

TAGBILARAN CITY, Bohol (PIA)--Tungod sa bag-o nga fake news online kalabot sa National Identification Card o National ID, subling gipahimangnoan sa Philippine Statistics Authority (PSA) ang publiko.

Katuyoan sa maong pahinumdom sa ahensya nga ipahilayo ang publiko sa bisan unsang hulga sa fake news.

Matud pa nga lakip sa mga bakak nga impormasyon nga mikatap sa internet mao ang giingong hinabang nga ipang-apod-apod alang sa mga naghupot sa National ID.

Mikaylap usab online nga dunay bayranan ang pag-proseso sa national ID nga dili tinuod kay libre man.

Matud pa sa gipagawas nga pahayag sa PSA, wala sila mang-apod-apod og hinabang sa mga naghupot sa maong ID.

Gi-awhag sa buhatan ang publiko nga ipahibalo kanila ang mga ingon niining matang sa modus ug siguradohon nga bisitahon lamang ang ilang opisyal nga mga social media channels kon adunay importanteng pangutana. (ecb/PIA7-Bohol)

Ayaw tuo sa Facebook posts o pages nga nagtanyag og P5,000 bugti sa National ID registration. Alang sa impormasyon kalabot sa National ID, bisitaha lamang ang mga PSA social media channels. (PIA)