Tapal-Ubay ngadto sa Popoo CPG,

Walay apil sa suspenso sa byahe

TAGBILARAN CITY, Bohol, Oct 23 (PIA)—Gipugngan na sa Philippine Coast Guard Eastern Bohol nga nagtutok sa ilang area of responsibility gikan sa Talibon ngadto sa Garcia Hernandez, ang tanan nga mga byahe sa sakyanan sa dagat, gawas sa usa ka ruta, kini maoy kasayuran gikan ni Coast Guard Ensign Jerick Maglangit.

Gani, matud sa PCG, bisan kadtong mga mananagat nga molawod, dili na makagikan, tungod sa kakuyaw sa dagkong bawod ug unos nga dala sa bagyo nga Kristine.

Pinaagi sa Notice to Mariners nga giluwatan sa Coast Guard Eastern Bohol nga nagbase sa Cogtong Candijay, gitukbil niini, nga naisa na sa PAG-ASA ibabaw sa Bohol, kauban sa Bantayan Island, Camotes Island, Eastern Samar, Northern Samar, Leyte, Biliran ug Southern Leyte, kini maoy rason sa temporary nga pagsuspenso sa mga byahe sa mga luigar nga nasulod sa Eastern Bohol.

Hinuon, matud sa Coast Guard, walay apil niini ang mga pasaheroan ug barko de kargamento nga nagbyahe sa ruta sa Tapal Port sa UBay, ngadto sa Popoo Port sa Carlos P. Garcia.

Kini base ra usab sa Paragraph V rule sa mga byahe sa panahon sa dautang higayon diil bisan kon anaa na sa lugar ang TCWS No. 1 sa pantalan nga gigikanan ug sa pantalan nga dungguan, mahimo nga makalawig tungod sa kaduol usab sa iyang distansya.

Tugutan lang usab hinuon ang pagbyahe dinhi sa nahisgutan nga ruta kon ang dagat, kalmado ngadto sa may dyutay nga bawod, ug ang hangin nga nagpasuwabe, anaa sa 28 kilometrois matag oras o 16 knots diha sa gigikanan o sa dungguan, subay sa PAG-ASA.

Kinahanglan usab nga kon may ulan man, dili kadtong kusog nga bunok ug may maayong visibility sa adtoan ug sa gigikanan ug magsul-ob permi ang tanan sa life vests gikan sa paggikan ngadto sa pagdunggo.

Dili usab hinuon pwede nga mokarga og daghan, katunga ta sa gikatakda nga pasahero ugh kompleto sa karga ang tugotan subay sa MARINA Passenger Ship Safety Certificate.

Niini usab, gihangyo sa PCG Eastern Bohol Commander nga dili na una magpabadlong kay dili kaya sa PCG nga imonitor ang kabaybayonan, ilabi na kay lapad kaayo ang dagat ug dili makaya sundan sa tanan ang matag sakayan nga mogawas.

Kini samtang gipasalig usab ni Maglangit nga nakapreposition na ang ilang mgta tawo alang sa gikinahanglan nga rescue kon gikinahanglan. (PIABohol)

NAKA STANDBY. Gipaduty ang tanang nga Coast Guard Personnel hantud nga mawala na ang hulga sa Kristine, aron may andam nga magamit sa pagpalihok aron may makaluwas sa kinabuhi ug kabtangan samtang nagpadayon ang signal No 1. (PIABohol).