Walay klase sa tibuok

Bohol Oct 23 -Gov Aris

TAGBILARAN CITY, Bohol Oct 22 (PIA)—Kanselado pa gihapon ang klase sa tanan nga level gikans a kindergarten ngadto sa Kolehiyo sa tibuok lalawigan sa Bohol, Octubre 23.Kini ang labing bag-o nga mandu nga giluwatan ni Gobernador Erico Artistotle Aumentado, agi og pagseguro nga makalikay ang katawhan sa kahasol sa paggawas samtang gipaabut pa ang kusog nga uwan ug hangin nga dala sa epekto sa bagyo nga KristinePH.

Tungod sa maot nga panahon nga dala sa Tropical Storm Kristine, suspendido gihapon ang mga klase sa kindergarten, elementary, secondary, ug higher education institutions (colleges) sa tibuok Probinsya sa Bohol ugmang adlawa, Oktubre 23, 2024, saysay sa gobernadora sa iyang Facebook Page.

Gidugang ni Aumentado nga nanghinaut siya nga pinaagi niini, malikayan ang bisan unsang kadaot nga pwede matagamtaman sa katawhan, ilabi na mga estudyante, tungod sa mga pag-uwan og kusog nga hangin.

Kanunay gihapon ang atong pahimangno nga magbinantayon sa palibot, ilabi na kung duol kamo sa flood-prone and landslide-prone areas, mubakwit (evacuate) kung gimando sa LGU, ug mosubay sa mga katikaran gikan sa inyong Kagamhanang Probinsyal ug sa mga lehitimong media outlets.

Mas maayo nga andam ta kanunay ug inubanan sa atong mga pag-ampo sa Labaw’ng Makagagahom nga ilikay kita sa mga dautang panghitabo.

Kahinumduman nga sukad nakasulod ang bagyo sa Philippine Area of Responsibility, kinin a ang ikaduhang adlaw nga nagdeklara ang Bohol og walay klase.

Niadtong Okltubre 22, gipasuspenso usab ang klase sa kindergarten ngadto sa High school sa tibuok Bohol, sa unod sa memorandum circular nga gipagawas a Kapitolyo.

Niadto usab nga adlawa, midugang sa pagdeklara si City Mayor Jane Cajes-Yap, sa pagsuspenso usab sa klase sa kolehiyo, dala sa paglikay nga mahimutang sa peligro ang mga estudyante.

Kini samtan g matud sa Philippine Atmospheric Geopgysical and Astronomical Services Administration, ang bagyo nga si “KRISTINE” mingkusog samtang anaa pa ibabaw sa Philippine Sea sa kasubangan nga bahin sa Bicol, alas 4:00 sa hapon, Oktuber 22.

Niadtong orasa, ang sentro sa bagyo gibanabana subay sa napakita s amga himan, nga naa na sa 390 kilometros sa kasubangan nga bahin sa Daet, Camarines Norte (14.3°N, 126.6°E).

Dala pa gihapon niini nbga bagyo ang iyang labing kusog nga lahutay nga huros sa gikusgon nga 75 km/h duol sa mata sa bagyo ug kalitkalit nga huros nga moabut sa 90 km/h, ug central pressure sa 990 hectoPascals.

Nagpadayon ang bagyo sa iyang rumbo nga Kasadpan-Amihanangwasadpan sa gikusgon nga 15 km/h.

Nakalingkawas man ang Bohol sa kabangis sa bagyo, masinati pa gihapon dinhi ang huros nga may gikusgon nga sama sa unos nga minghabol sa 760 km nga kaladpan gikan sa sentro sa bagyo.

Niini, ang Tropical Cyclone Wind Signal No. 2 gipakayab sa pipla ka lugar sa Luzon sama sa kasubangan nga Catanduanes Camarines Norte (Basud, Daet, Talisay, Vinzons, Paracale, Mercedes), kasubangan nga bahin sa Camarines Sur (Caramoan, Presentacion, Garchitorena, Tinambac, Siruma, Lagonoy, Goa, San Jose, Saglay, Tigaon), kasubangan nga bahin sa Albay (Rapu-Rapu, Bacacay, City of Tabaco, Malilipot, Malinao, Tiwi) ug ang kasubangan nga bahin sa Sorsogon (Barcelona, Gubat, Prieto Diaz)

Dinhi sa Visayas, susamang signal ang giisa sa amihanang-kasubangan sa Northern Samar (Palapag, Mapanas, Gamay, Laoang, Catubig, Lapinig, Pambujan, San Roque) amihanang bahin sa (northern) Eastern Samar (Jipapad, San Policarpo, Arteche).

Dinhi masinati ang daw unos kakusog nga mga hangin sulod sa 24 oras ug ang kakusgon sa huros nga moabut sa 62 ngadto sa 88 km/h (Beaufort 8 to 9).

Gipakayab na usab ang TCWS Number 1 sa Luson sa Ilocos Norte, Ilocos Sur, La Union, Pangasinan, Apayao, Kalinga, Abra, Mountain Province, Ifugao, Benguet, Cagayan apil Babuyan Islands, Isabela, Quirino, Nueva Vizcaya, Aurora, Nueva Ecija, Tarlac, Zambales, Bataan, Pampanga, Bulacan, Metro Manila, Cavite, Laguna, Batangas, Rizal, Quezon apil ang Pollilo Islands, Occidental Mindoro lakip ang Lubang Islands, Oriental Mindoro, Masbate apil ang Ticao ug Burias Islands, Marinduque, Romblon, ug nahibiling bahin sa Camarines Norte, Camarines Sur, Albay, ug Sorsogon

Dinhi sa Visayas, signal No. 1 ang nahibiling bahin sa Eastern Samar, Northern Samar, Samar, Leyte, Biliran, ug Southern Leyte, samtang sa Mindanao, susmang signal ang giisa sa Dinagat Islands ug Surigao apil na ang Agusan del Norte ug Siargao - Bucas Grande Group.

Dinhi masinati ang kusog nga hangin sulod sa 36 oras; hangin nga moabut sa 39 ngadto sa 61 km/h (Beaufort 6 to 7). (RAHC/PIA-7/Bohol)