PTF ELCAC nagplano sa 3-year

Plans for duhe office, Oct 24

TAGBILARAN CITY, Bohol, Oct 22 (PIA)—Aduna nay stratehikanhong mga lakang nga nakasabutang ang Bohol Provincial Task Force to End Local Communist Armed Conflict (PTF-ELCAC)alang sa sunod nga tulo ka tuig, kini human sa duha ka adlaw nga Strategic Planning Workshop niadtong Octubre 10-11, 2024, didto sa Bohol Bee Farm sa Dauis, Bohol.

Ang PTF ELCAC maoy nag-unang hugpong sa Provincial peace and Order Council (PPOC) sa Bohol nga natahasan sa pagpahapsay sa mga programa nga maglihok aron mapatunhay sa Bohol ang kahimtang niini nga insurgency free, human kini nadeklara pila na ka buwan ang minglabay.

Una na nga opisyal nga nadeklara nga insurgency free niadtong Pebrero 2010, ang Bohol nahibalik sa mga pahina sa mantalaan diha nga sa katapusang mga pipila ka tuig, may nagpanghitabo na usab nga mga armado nga tawo nga nakit-an sa kabukiran.

Dungan sa pagpatuman sa mga agresibong kampanya sa mga kasundalohan ug kapulisan milampus usab ang mga tinugyanan sa paghipos sa mga rebelde nga armado, pinaagi sa bala.

Sa laing bahin, ang malumo nga kasingkasing sa mga mga tinugyanan sa army ug kapolisan nga nakasaksi sa pagbalik-balik sa pundok, ug ilang gitanyag ang community based projects sa mga komunidad nga kanhi pugaran sa mga rebelde, pinaagi sa haylo sa panginabuhian,

Napahipno na usab sa PTC ELCAC ang lisud icomply nga mga rekisitos aron matugyan sa gobernor ang iyang hinabang sa mga kanhi rebelde ug surrenderees.

Usa sa ilang tumong mao ang pagseguro nga ikapatuman ang tinabangay sa tibuok lalawigan ug mga ahensya sa kagamhanan nga ania dinhi aron ikapalapad ang whole-of-nation approach batok sa paghibalik sa mga armado nga kalihukan nga napalayas na sa Bohol.

Gawas pa niana, natuki usab ang mga pipila ka gikinahanglang kausaban sa sistema sa proseso sa paghatag sa Enhanced Comprehensive Local Integration Program (E-CLIP), ang programa sa nasudnong kagamhanan sa paghatag og hinabang s amga rebelde nga mipili na nga manimuyo nga malinawon ug istugyan na ang ilang mga armas ngadto sa mga tinugyanan sa kagamhanan.

Gawas na sa nasudnong E-CLIP, napatin-aw usab sa mga sakop sa PTF-ELCAC ang localized eclip nga gipamaayo ang serbisyo pinaagi sa abag sa Kapitolyo, isip usab counterpart sa nasundong ECLIP.

Si Leonell Cawayan, ang ELCAC Program Coordinator sa DILG Bohol, mipasabut nga ang duha-ka-adlaw nga kalihukan nagtutok sa workshops ug discussions paingon sa pagkab-ut sa tumong niini nga magpahimutang sa mga plano sa operations alang sa Task Force nga ipatuman usab sa municipal TASK Force EFCAC.

Lakip s amga mingtambong sa strategic planning workshop mao ang mga sakop sa Bohol PTF-ELCAC apil ahg nagkadaiyang Departments ug Offices sa Provincial Government of Bohol, representante sa National Government Agencies, Armed Forces, Philippine National Police, Municipal ug Barangays LGUs, mga former rebels (o "Kauban sa Reporma").

Ang PTF-ELCAC mekanismo nga mag-ugmad sa Executive Order No. 70 (EO-70) nga nagpatuman sa whole-of-nation approach aron matubag ang hulga sa mga armadong communist terrorist groups dinhi sa Province of Bohol.

Ang Task Force padayon nga naglihok aron ikapatunhay ang insurgency free status so Province of Bohol. (PIAbohol/LCC DILG)