BLCI may comprehensive

mapping sa service area

TAGBILARAN CITY, Bohol, Nov 5 (PIA) --Maghimo og comprehensive meter mapping sulod sa service area ang Bohol Light Company Incorporated (BLCI) sugod Nobyembre 4-30.

Kini isip mga sinugdan nga lakang sa pagpahiuli ug programa sa pagpamoderno sa BLCi nga karon iya na sa Primelectric human magpalit niini ang majority shares nga kanhi napalit usab sa Salcon Power.

Ang mapping, aron sa panghatag sa mas kasaligan ug mas episyente nga serbisyo, nga maoy gisaad sa mga bag-ong tag iya sa BLCI.

USA ka outsourced company, ug third party service provider nga i3BCSOLUTIONS OPC, ang gigamit sa BLCi nga iya na usab sa Primelectric human niini napalit ang majority shares sa BLCI.

Ang comprehensive meter mapping usa usab ka lakang nga gihimo sa Primelectric didto usab sa ilang bag-o nga franchise area sa Iloilo City, aron ma-update ang records sa mga konsumidor, malangkob ang mga metro alang sa mas sayon nga pagbasa, mas kasaligan ug piho nga billing pinaagi sa episyente nga meter readings.

Tuyo sa BLCI nga ipatuman ang geotagging sa tanang metro sa mga membro consumidor alang sa mas dali ug kasaligan nga meter reading lakip na ang mas protektado nga himan sa kompanya.

Nunot niini, miaghat ang panunuan sa BLCi sa panghatag og higayon alang sa mas paspas, mas luwas ug ma Dali nga akses ang mga maghimo sa mapping, hiktan ang mga binuhi nga iro ug tultolan Ang mga maghimo sa mapping sa kasamtangan nga nahimutangan sa metro sa koryente. (RAHC/PIA-7/Bohol)

DILI MATAMPER. Sa kasagaran nga illegal nga pagpangawat sa koryente nga mahimo na nga systems loss, ang pagpahimutang sa mga metro sa USA ka Lugar nga lisud nang itamper, magpakunhod usab sa systems loss nga bayaran sa tanan nga konsumidor. (Photofile)