41 ka LGUs sa Bohol nakapasar

sa Good Financial Housekeeping

TAGBILARAN CITY, Bohol (PIA)--Kap-atan ug usa (41) o 85 porsyento sa mga local government units (LGUs) sa lalawigan sa Bohol ang nakapasar sa Good Financial Housekeeping (GFH) alang sa calendar year (CY) 2024.

Kini nga mga LGUs nagpakita og maayong performance sa pinansyal nga transparency ug accountability ug nakaangkon og Unqualified o Qualified Commission on Audit – Audit Opinion.

Niadtong Marso 3, gipagawas sa Department of the Interior and Local Government (DILG) ang listahan sa mga nakapasar pinaagi sa opisyal nga Facebook page niini.

Apil sa listahan mao ang Alburquerque, Alicia, Antequera, Baclayon, Balilihan, Batuan, Bien Unido, Bilar, Calape, Candijay, Carmen, Catigbian, Clarin, Corella, Cortes, Dagohoy, Danao, Dauis, Dimiao, Garcia Hernandez, ug Guindulman.

Nalakip usab ang Inabanga, Lila, Loay, Loboc, Loon, Maribojoc, Panglao, Pilar, Presidente Carlos P. Garcia, Sagbayan, San Isidro, San Miguel, Sevilla, Sierra Bullones, Sikatuna, Trinidad, Tubigon, Ubay, Valencia, ug Tagbilaran City.

Ang 41 ka mga nakapasar nga LGUs mituman sa mga kinahanglanon sa Full Disclosure Policy (FDP), pagsiguro sa tukma sa panahon ug kompleto nga pag-post sa gikinahanglan nga pinansyal nga mga dokumento sa tulo ka dayag nga mga lugar ug sa FDP portal.

Ang GFH usa ka programa nga nag-ila sa mga LGU sa Pilipinas nga nagpraktis sa transparent ug accountable fiscal management nga gidumala sa DILG.

Usa ka bahin sa Seal of Good Local Governance, ang sertipikasyon nag-ila sa mga LGU alang sa ilang pagsunod sa mga sumbanan sa accounting ug auditing.

Ang mga nakapasar angayan alang sa Performance Challenge Fund (PCF) ug mahimo usab nga makadawat og ubang program windows ug tabang sa pagpalambo sa kapasidad gikan sa DILG.

Sa miaging tuig, 36 ka LGUs sa Bohol, o 76 porsyento sa 47 ka lungsod ug usa ka syudad sa probinsya, ang national passers sa GHF alang sa CY 2023, diin ang Bohol mipasar sa province category, ug ang Tagbilaran alang sa kategoriya sa dakbayan. (ecb/PIA7-Bohol)

Good Financial Housekeeping (GFH) 2024 Passers. Giila sa GFH ang mga local government units (LGUs) nga nagpakita og maayong performance sa financial transparency ug accountability. Naglakip kini sa pag-angkon og usa ka Unqualified o Qualified nga COA Audit Opinion ug pagsunod sa mga kinahanglanon sa Full Disclosure Policy (FDP) pinaagi sa pagsiguro sa tukma sa panahon ug kompleto nga pag-post sa gikinahanglan nga pinansyal nga mga dokumento sa tulo ka dayag nga mga dapit ug sa FDP portal. (DILG/PIA)