Pagpananom og mga kahoy gi-awhag:

libreng binhi sa mga prutas ug kawayan, ipanghatag

TAGBILARAN CITY, Bohol (PIA)--Ang Provincial Government of Bohol (PGBh), pinaagi sa Office of the Provincial Agriculturist (OPA), nag-awhag sa tanan nga moapil sa ilang inisyatibo sa pagpananom og mga kahoy pinaagi sa pagtanum og mga fruit-bearing trees ug mga binhi sa kawayan sa tibuok probinsya.

Gi-awhag niini ang mga non-government organizations (NGOs), civic organizations, mga eskwelahan, mga hotel, resorts, ug mga kompanya sa pag-apil niining makahulogan nga kalihokan isip parte sa ilang Civic and Corporate Social Responsibility nga mga proyekto.

Lain-laing mga fruit tree seedlings ang ipanghatag pinaagi sa first-come, first-served basis, nga naglakip sa mga binhi sa mangga, kastanyas, balimbing, abokado, kape, pomelo, santol, bayabas, atis, tambis, nangka, cacao, lemon, guyabano, rambutan, lomboy, marang, mulberry, lemonsito, lime, magicfruit, mangosteen, lanzones, durian, sambag, chicos, ug tambis.

Kini nga programa sa fruit tree dispersal nahimong posible pinaagi sa Provincial Ordinance No. 2020-004 ug nagsuporta sa Republic Act 10176 (Arbor Day Act), agig pagpalig-on sa gipaambit nga pasalig sa Kagamhanang Probinsyal sa usa ka balanse ug himsog nga palibot.

Gi-awhag sa PGBh ang tanan nga mahimong parte niin nga praktikal nga inisyatibo ug magtanom og mga kahoy karon alang sa usa ka mas berde nga ugma.

Alang sa mga pangutana ug unsaon pag-apil, mahimong motawag ni Marjoe Rey A. Laugite, ang Division Head sa Agri-Facilities Division pinaagi sa iyang numero 0929-245-0222. (ecb/PIA7-Bohol)

Kini nga fruit tree dispersal nga programa nahimong posible pinaagi sa Provincial Ordinance No. 2020-004 ug nagsuporta sa Republic Act 10176 (Arbor Day Act), agig pagpalig-on sa gipaambit nga pasalig sa Kagamhanang Probinsyal sa Bohol sa usa ka balanse ug himsog nga palibot. (ecb/PIA7-Bohol)