Tagbilaran Uptown IT

Hub 2.5 ektaryas na

TAGBILARAN CITY, Bohol, (PIA)— Mokabat na sa kinatibuk-ang 2.5 ektaryas ang luna nga natumbok sa Philippine Economic Zones Authority (PEZA) ug gideklara na sa Malakanyang nga Special Economic Zones (SEZ) dinhi sa Tagbilaran.

Kini human si Presidente Ferdinand Marcos Jr milagda niadtong Marso 6 sa Proclamation 821 nga nagtumbok sa tulo ka parsela nga luna nga anaa sa eskina H. Zamora ug Satellite Road sa Barangay Dampas isip SEZ isip information technology (IT) park.

Luna nga tawgon na karon og Tagbilaran Uptown IT Hub 2, ang kinatibuk-an nga sukod niini moabut sa 11,237 metro kwadrado o 1.1 ektaryas.

Kahinumduman nga niadtong Hunyo I, 2021, si president Rodrigo Duterte nagpagawas sa Proclamation 1151 nga nagtumbok sa pipila ka parsela nga yuta subay sa Rajah Sikatuna Avenue sa Barngat Dampas isip SEZ, ang labing una nga sama niini sa Bohol nga gitagana alang sa IT Park.

Natumbok sa proklamasyon ang kinatibuk-an nga 13,866 metro kwadrado o 1.3 hektaryas kwadrado nga nagmugna sa Tagbilaran Uptown IT hub 1.

Ang Tagbilaran Uptown IT hub 1 ug 2, karon sama sa kasabutan sa PEZA, nagsaad sa world-class, environment friendly nga lugar trabahoan, may fully security ug mga pasilidad sama sa limpyo ug walay undang nga serbisyo sa suga ug tubig, state-of-the-art nga pasilidad sa telecommunications; kusog nga internet speeds, ready-to-occupy nga mga buildings, may kaugalingon nga waste water treatment facilities; may gipahimutang nga computer security ug building monitoring system; mga banko, kan-anan, fire-fighting facilities ug ubang kalingawan.

Ang pagtukod og negosyo sulod sa PEZA registered economic zone magtanyag sa us aka mamumuhunan sa fiscal ug non-fiscal incentives lakip na niini ang income Tax Holiday (ITH) sa 4-7 tuig, Special Corporate Income Tax (SCIT) rate sa 5% o Enhanced Deductions (ED) alang sa 10 tuig alang sa export oriented enterprises, matud sa Department of Trade and industry Bohol.

Ang PEZA nga maoy gitugyanan sa pagpahiluna sa mga SEZ, usa ka ahensya nga attached sa Department of Trade and Industry (DTI). (RAHC/PIA-7/Bohol)

DUHA KA BPO. Human mingpuyo ang TaskUS sa Tagbilaran Uptown IT Hub 1 pila n aka tuig ang minglabay, misulod usab dayun ang GenPact didto sa Tagbilaran Uptown IT Park Hub 2 nga gideklara na nga Special Economic Zone alang sa IT Park, nga naghimo niining lugara nga bibo tungod s aka dagahan sa call center agents nga nanarbaho. (PIAbohol)