6 proyekto, ipatangtang na

sa RDC7 RPMC monitoring

TAGBILARAN CITY, Bohol, (PIA)—Ipatangtang na sa monitoring sa Regional Project Monitoring Committee (RPMC) sa Regional Development Council 7 ang unom ka mga proyekto nga una na nga gisukip alang sa RPMC monitoring.

Ang RPMC maoy natahasan pagmonitor, evaluate sa mga programa ug proyekto nga ipatuman sa mga rehiyon.

Kini aron maseguro ang episyente, napanahon nga pagpatuman sa mga proyekto ug maghubad sa mga isyu ug suliran sa pagpatuman niini ug maghatag rekomendasyon pagpalig-on sa koordinasyon sa mga ahensya ug katawhan.

Segun sa mga datus sa secretariat sa RDC nga gipangulohan ni Gobernador Erico Aristotle Aumentado, niadtong Marso 13, 2025, ang RDC Full Council ming-aprobar sa listahan sa 87 ka mga proyekto nga subay sa batakan sa RDC, masulod sa monitoring sa RPMC subay sa Resolution No. 22 (s. 2024).

Apan nalakip niini sa monitoring sa RPMC ang mga proyekto nga maghatag og dugang pundo alang sa infrastructure sector sa Regional Development Investment Program nga angayan diay nga ipailawom sa

National Project Monitoring Committee (NPMC).

Pananglitan, ang pagpahiuli sa mga Existing Irrigation Systems, Communal ug national Irrigation System nga gipundohan sa General Appropriation Act sa 2025, wala ra makaabut sa P500 milyones.

Kini usab nga mga proyekto, walay kapasidad ang RPMC sa pagmonitor kay ang nagpatuman niiini ang Bureau of Local Government Finance sa Department of Finance.

Dugang pa, may mga proyekto pa nga naapil sa RPMC monitoring nga nahuman na sa pagpatuman sama sa Cebu South Medical Center Cebu South Medical Center ug ang pagtapos sa main hospital building sa

Eversley Childs Sanitarium and General.

Nunot niini, girekomendar na sa RPMC ang amendment sa RDC Resolution No. 24 (s. 2024) aron matangtang na ang mga proyekto nga dili na apil sa RPMC monitoring. (PIABohol)

MONITORING. Walay mga pundo nga mausik kon may komitiba sa RDC nga magbantay sa pagpatuman sa mga ahensya sa ilang mga gipundohan nga proyekto matag tuig. Sa kapin sa 80 ka mga proyekto nga imonitor sa RPMC, 6 niini ipatangtang kay wala makaabut sa kriterya sa pagmonitor, ug wala usab kalibutan ang rehiyon kay kini tua sa katungod sa NPMC. (PIABohol)