Bohol RHUs andam moatiman sa gidudahang mpox
By Rey Anthony Chiu
TAGBILARAN CITY, Bohol (PIA) — Gawas sa hotline nga mapangayoan sa tabang kon may pagduda sa monkeypox o mpox, napahimutang na ang sistema sa pagatiman sa mga nagduda nga nasakit niini.

Gipasabut ni Ylaya nga nabansay na sa Bohol ang mga personahe sa tanan nga Rural Health Units (RHU) ug medical facilities sa Bohol diin aduna nay disease surveillance coordinators nga magtuki kon ang mga gipakita nga simtomas sa usa ka pasyente, tataw na ba nga mpox.
Ang mpox, usahay mopakita sa mga timailhan nga sama sa hangga o chicken pox.
Apan sa differential diagnosis, matud ni Ylaya nga ang hangga dili magdungan ang iyang mga botoy-boty, walay mahikap nga mga lusaylusay sa lutahan ug dili makit-an ang mga boptoy-notoy sa palad ug sa lapalapa.
Kon may ingon niini nga mga timailhan, tawag o bisita dayon sa RHUs aron masuta sa coordinators kon mpox ba ang mga simtomas subay sa gihuptan nga checklist.
Kon madudahan nga mpox, ang coordinator na ang maghimo sa swabtest aron nakuha ang samples ug mapadala sa Research Institute for Tropical Medicine alang sa kompirmasyon.
Ug samtang nagpaabut niini, sila na usab ang mopahiluna sa pasyente ngadto sa usa ka isolation room aron kapugngan ang possible nga pagpanakod.
Kasagaran nga nagpakita og simtomas, mawala ra usab human sa 21 ka adlaw, dayag ni Ylaya.
Nunot niini, mas angay likayan ang paglakawlakaw samtang anaa sa isolation, ilabi na kay maoy tinubdan sa pagtakod ang duga-duga sa panit sa nasakit sa mpox.
Hinuon, ang matang sa mpox dinhi sa Pilipinas, kadtong dili angay kadadlokan kay menos sa pagtakod, menos sa pagkatag ug dyutay ra ang tsansa nga madisgrasya dala sa sakit.
Angayan hinuon mag-amping ang mga tawo nga may nga gihambin na daan nga mga sakit kay ang mpox opportunistic ug dali rang mobuntog sa naluya na nga panalipod sa lawas tungod sa laing sakit niini. (RAHC/PIA Bohol)
No comments:
Post a Comment