DOH nagpagawas og advisory sa paglikay sa W.I.L.D.

TAGBILARAN CITY, Bohol (PIA)--Sa pagsulod sa panahon sa ting-ulan, ang Department of Health (DOH) ni-awhag sa publiko sa paghimo og mga lakang aron malikayan ang W.I.L.D. nga mga sakit.

Ang W.I.L.D. nagpasabot sa Waterborne disease, Influenza-like nga mga sakit, Leptospirosis, ug Dengue nga kasagarang mga sakit nga modaghan sa panahon sa ting-ulan.

Gitambagan sa DOH ang publiko nga bantayan kanunay ang mga update sa panahon, magsul-ob og tukma nga mga gamit sa ulan sama sa raincoat ug botas, ug pagsiguro nga adunay limpyo ug luwas nga tubig nga mainom.

Gidasig usab sa ahensiya ang mga panimalay sa pagpatuman sa mga preventive measures sama sa “4S” nga estratehiya batok sa dengue: Search and destroy (pagpangita ug pagguba) sa mga mosquito-breeding sites, Secure self-protection, Seek early consultation, ug support fogging o pag-spray sa mga lugar nga peligroso kaayo.

Gipasiugda usab sa departamento ang “4T” nga bisyo—Taob, Taktak, Tuyo, Takip, nga naglakip sa pagkob sa mga sudlanan, paghaw-as sa wala nay tubig nga mga sudlanan, pagpabiling uga sa palibot, ug pagtabon sa mga tipiganan sa tubig aron mawagtang ang mga dapit sa pagsanay sa lamok.

Gi-awhag ang mga tawo nga nakasinati og mga sintomas sa bisan unsa nga sakit sa W.I.L.D. nga magpatambal dayon.

Gipahinumdoman usab sa DOH ang publiko nga adunay libreng medikal nga konsultasyon pinaagi sa Telekonsulta Hotline 1555 (Press 2).

Matud pa sa DOH nga ang pagkaandam mao ang yawe sa paglikay sa mga sakit.

Pinaagi sa pagsunod sa mga preventive measures, ang W.I.L.D. nga mga sakit mahimong malikayan. (ECB/PIA7-Bohol)

Ang DOH nipasidaan sa publiko sa mga sakit nga dala sa waterborne diseases, influenza, leptospirosis ug dengue (WILD) karong panahon sa ting-ulan. (DOH/PIA)