2 Exec Orders abig sa RE,

malungtarong kalikopan

TAGBILARAN CITY, Bohol (PIA)—Sa tumong nga molungtad ang kalikopan sa Bohol nga maoy gihimong puhunan niini alang sa kalambu-an, duha ka mga orden ehekutibo ang gipagawas ni Gobernador Erico Aristotle Aumentado Abril, 13, 2026.

Pinaagi sa Executive Order No 15, napadayag na sa Bohol ang Implementing Rules and Regulations sa Provincial Ordinance No 2023-018 nga nagdeklara sa Bohol nga usa ka dapit nga higala sa kalikopan, ug limpyong enerhiya, samtang maghatag og pagpihig sa pag-ugmad sa renewable energy (RE) samtang maghatag og mga insentibo alang niini.

Gitumong kini aron, samtang nagbaklay ang Bohol ngadto sa kaugmaran, ang gamiton nga koryente enerhiya nga mopadagans a iyang mga makinarya, kadto lamang lnga limpyo, barato ug segurado nga makapatunhay sa kalikopan.

Gitutokan sa nahisgutan nga Executive Order ang mga tinubdan sa enerhiya nga naglangkob sa bio-mass, geothermal, hydro-power, ocean energy, run of the riover hydro, solar, wind energy ug uban pang hybrid systems ug mga bag-ong mogawas nga tinubdan sa renewable energy alang sa pagmugna og koryente.

Lain usab nga Executive Order No 16, series of 2026 ang nagmugna sa Technical working Group (TWG) aron maoy motimbang-timbang sa mga proyektong renewable energy sa Bohol ug ang pagpanday sa mekanismo alang sa pagpatuman sa lukop ug malahutayon nga dugukan sa pamuhunan sa limpyong enerhiya.

Ang nasampit nga mandu ni gobrnador Aumentado nagsukad usab sa Provincial Ordinance No 2023-018 o ang gitawag og Clean and Renewable Energy Code of Bohol nga nagmugna sa Bohol Renewable Energy Board (BREB).

Ang BREB usab nanginahanglan og TWG nga maoy mangunay sa paghimo sa makuti nga pagpanuki-duki ug pagtimbang-timbang sa unsay proyekto sa renewable energy nga may labing dako og ikatampo sa damgo sa Bohol apan may labing dyutay nga epekto sa kalikopan nga gipanumpaang panalipdan sa dali nga pagkadaut. (PIAbohol)

GIDAYEG SA DOE. Tungod sa labing unang ordinansa sa Renewable Energy, nalipay ang Department of Energy sa Bohol tungod sa local nga paningkamot nga mamahimong gawasnon kon suplay sa limpyong korente ang hisgutan. Atul sa ASEAN SOME dinhi sa Bohol, giabi-abi sa kagamhanang probinsyal ang DOE ug nga lider sa ASEAN, kinsa naghiusa sa mga paningkamo sa ekonomikanhong pag-ugmad sa rehiyon. (PIABohol/GO)