DSWD 7 nipahinumdom sa mga benepisyaryo sa ‘Walang Gutom’ sa pagkuha sa ilang food packages sulod sa gitakda nga timeline

TAGBILARAN CITY, Bohol (PIA)—Gi-awhag sa Department of Social Welfare and Development (DSWD) 7 ang mga benepisyaryo sa Walang Gutom Program sa Sugbo ug Bohol sa pagkuha sa ilang mga food packages sa gitakda nga iskedyul.

Kini nga pahinumdom nagsunod sa advisory sa National Program Management Office (NPMO) nga walay extension nga ihatag alang sa ika-upat nga Food Redemption.

Kini lahi gikan sa miaging panahon sa pagtubos, nga gilugwayan hangtod Abril 1, 2026, gikan sa orihinal niini nga iskedyul nga Marso 6 hangtod 26, 2026.

Ang Food Redemption ipatuman sa duha ka eskedyul base sa matang sa electronic benefit transfer (EBT) card nga gi-isyu. Ang programa adunay duha ka service providers: ang Rural Bank of Guinubatan, Incorporated (RBGI) ug Universal Storefront Services Corporation (USSC).

Alang sa ikaupat nga Food Redemption, ang mga benepisyaryo lamang ubos sa Listahanan 3 o ang National Household Targeting System for Poverty Reduction (NHTS-PR) ang makadawat. Ang pagtubos sa mga panimalay nga gikan sa Community-Based Monitoring System (CBMS), ingon man kadtong ubos sa on-demand application (ODA), temporaryong gihunong.

Ang mga benepisyaryo nga RBGI cardholders gitakdang molukat sa ilang food packages gikan Abril 13, 2026, ngadto sa Abril 30, 2026, samtang ang USSC cardholders mahimong mokuha sa ilang mga pakete sa pagkaon nga puno sa sustansya gikan Abril 13, 2026, hangtod Mayo 7, 2026.

Sa tibuok duha ka probinsiya, 13,672 ka benepisyaryo ang RBGI cardholders, diin 4,266 naa sa Bohol, samtang 9,406 naa sa Cebu.

Sa laing bahin, 11,612 ka benepisyaryo ang USSC cardholders, diin ang tanan naa sa Sugbo.

Sa pagkakaron, ang Walang Gutom Program nagsilbi sa mga benepisyaryo sa 89 ka lokal government units (LGUs) sa Central Visayas, nga adunay 53 sa Cebu ug 36 sa Bohol.

Ang mga mosunod nga lungsod ug dakbayan sa lalawigan sa Sugbo adunay gitakdang food redemption: Alcantara, Alcoy, Alegria, Aloguinsan, Argao, Asturias, Badian, Balamban, Bantayan, Barili, Boljoon, Borbon, Carmen, Catmon, City of Bogo, Carcar City, Cebu City, Lapu-Lapu City, Mandaue City, City of Naga, Talisay City, Toledo City, Compostela, Consolacion, Cordova, Daanbantayan, Dalaguete, Danao City, Dumanjug, Ginatilan, Liloan, Madridejos, Malabuyoc, Medellin, Minglanilla, Moalboal, Oslob, Pilar, Pinamungajan, Poro, Ronda, Samboan, San Fernando, San Francisco, San Remigio, Santa Fe, Santander, Sibonga, Sogod, Tabogon, Tabuelan, Tuburan, ug Tudela.

Samtang sa lalawigan sa Bohol, gikatakdang makakuha sa food packages ang mosunod: Albuquerque, Alicia, Anda, Baclayon, Batuan, Bien Unido, Bilar, Buenavista, Calape, Candijay, Carmen, Catigbian, City of Tagbilaran, Clarin, Cortes, Danao, Dauis, Duero, Getafe, Guindulman, Inabanga, Jagna, Loay, Loon, Mabini, Maribojoc, Panglao, Pilar, Presidente Carlos P. Garcia, Sagbayan, San Miguel, Sevilla, Talibon, Trinidad, Tubigon, ug Ubay.

Gitambagan ang mga benepisyaryo nga mangutana bahin sa eskedyul ug lugar, ingon man ang lista sa mga angayan nga makakuha, gikan sa ilang tagsa-tagsa ka barangay, LGU, o Community Engagement Coordinators (CECs) aron makakuha og saktong impormasyon ug malikayan ang dili pagsinabtanay. (ECB/PIA7-Bohol)

Ang mga benepisyaryo sa Walang Gutom Program nikuha sa ilang mga ma-sustansya nga mga pagkaon. (DSWD file photo)