Vancouver Reign mihatag

P20 mil alang sa BPYDP

TAGBILARAN CITY, Bohol, (PIA)—Dugang pundo nga magamit alang sa Bohol Paddle Youth Development Program (BPYDP) and gitunol sa mga langyaw nga paddlers gikan sa Canada, ang gisaligan nga mas makalanat pa ang programa slang sa mga batan-ong Bol-anon nga maoy saligan sa ugma sa dragonboat dinhi sa Bohol.

Kini maoy gipaambit sa Bohol Paddlers Association Incorporated (BPAI), kinsa bag-o lamang mingtapos sa malampuson nga labing una nga international glow in the dark Dragonboat race niadtong Abril 18-18, diha sa kadagatan atbang mismo sa Bohol Tropics Resort.

Ang Bohol Paddle Youth Development Program, usa ka inisyatiba sa BPAI aron hulmahon ang mosunod nga mga mamugsayay nga nabansay sa pagdumala sa ilang personal nga disiplina, kusog ug teamwork pagpalig-on sa mental health nga maoy magpalig-on usab sa kultura sa dragonboating dinhi sa Bohol, pasabut ni BPAI president ug executive Director Dr. Theodore Dumalu-an.

Sa usa ka talagsaon nga pagpadayag sa international nga pagpakighiusa sa Bohol, ang Vancouver Reign, us aka international paddling team sa Canada, mingbilin og P20,00 isip ilang tampo alang sa programa alang sa kabataan sa Bohol, matud ni Dr Dumaluan.

Kahinumduman nga sa bagt-o nga gitapos nga First International Glow in the Dark dragonboat race, gipasalig sa mga tigpasiugda sa BPAI nga ang mahimong kita sa rehistro sa mga mingsalmot sa lumba, gamiton alang sa pagpatunhay sa programa sa pagbansay sa mga kabatan-onan.

Ang BPAI sa pila n aka tuig, naghimo sa regular nga bansay sa mga kabataan diha sa tumoy sa K of C, matag Martes, Huwebes ug Sabado sa mga alas 4:00 ngadto sa alas 7:00 sa buntag.

Ug bisan sa paglisud sa kahimtang tungod sa mga hulga sa ekonomiya, nahimo pa gihapon sa BPAI sa pagtapos sa us aka world0-class nga lumba sa bugsay, samtang nagkakayab sa Bohol isip usa sa mga water sports hub sa nasud. (PIABohol)

GASA SA CANADA. Gitunol sa Vancouver reign dragonboating team ngadto sa BPAI ang P20,000 nga tampo alang sa pag-ugmad ug paghulma sa mga kabataang Bol-anon nga mamahimong kasaligan nga dragonboat enthusiasts nga disiplinado, may katakus ug mahimong pundasyon sa lig-on ug malungtaron nga dragonboat community dinhi. (PIAbohol)