13,000 ka Bayanihan SIM sa DICT

pang online access sa estudyante

TAGBILARAN CITY Bohol (PIA)— Sa ikaduhang hugna sa Bayanihan Subscriber Information Module (SIM) Project sa Department of Information Communicationa dn Technology, lain nga 13,000 ka SIM cards and ipanghatag alang sa faculty, staff ug mga estudyante sa mga tumbok nga mga tughaan sa Bohol, kini maoy gibutyag ni Victor Magallanes, DICT provincial head sa Bohol.

Kahinumduman nga may 2,600 ka na Bayanihan SIM ang nahatag sa DICT nagdto sa mga estudyante sa Alicia, atul sa unang hugna sa pagroll-out sa project dinhi sa Bohol.

The Bayanihan SIM Project o usahay gitawag og JuanSIM ng Bayan Program usa gihapon ka flagship initiative sa DICT ug nagtumong sa pagpalapad pa sa internet access sa mga komunidad nga walay igong serbisyo labi na niadtong mga giisip nga geographically isolated communities sa nasud, matud ni Magallanes.

Kabahin sa programang "Digital Bayanihan" sa kagamhanan uyg nagsuporta sa tuyo nga "walay Filipino nga mahuibiling walay internet access labi na sa mga lugar nga hinay o walay signa, ang Bayanigan SIM project makuha usab sa mga benepisaryo sa Pantawid Pamilyang Pilipino p[rogramn (4Ps) ug mga kabus nga banay sa mga hilit nga komunidad.

Proyekto nga gitabangan sa Department of Education (DepEEd), Department of Social Welfare and Development (DSWD), Department of the Interior and Local Government (DILG), Department of Health (DOH) ug sa mga telecommunications Companies apil ang pribado nga sector pinaagi sa Bayanihan, ang Bayanihan SIM project maggahum sa mga katawhan ug mag estudyante sa pag-akses sa internet, pinaagi sa mobile data sa SIM Cards inay adto sa public wifi hotspots, apasabut sa DICT didto sa Kapihans a PIA.

Matud ni Enger Jimmy Ratilla sa DICT Bohol, ang matag SIM, sa panahon nga ma-activate na, may libre nga 25 gig nga data, nga dili matigum, ug masudlan na usab og lain pang 25 gig sa sunog nga mga buwan sulod sa usa ka tuig.

Alang sa mga minors, ang SIM, mahimong ipangalan sa ginikanan, dala sa dili pa mahimo nga magabri og email account ang mga minors subay sa polisiya sa pagmugna’g email addresses, matud sa DICT.

Kini nga SIM, daku na og ikatabang sa mga bata nga buot maghimo og research alang sa ilang mga projects ug assignments, matud sa DICT.

Ug aron dili abusaran, may mga sites nga permenente nga giban sa DICT aron dili malinga ang mga bata sa duwa o pag-bukas sa mga websites nga dili angay sa mga bata, dugang sa DICT. (PIABohol)

INTERNET AKSES PINAAGI SA MOBILE DATA. Sa tag 25 Gig nga data matag buwan, mahimo na sa mga estudyante nga walay kases sa internet sa pagresearch gamit ang mobile data, pinaagi sa JuanSIM, ang Bayanihan SIM project sa kagamhanan pinaagi sa DICT (PIABohol)