Paghimo sa Garcia Prov’l Hospital

isip Women & children specialty

Ospital giduso ni CW Aumentado

TAGBILARAN CITY Bohol (PIA)—Napahiluna man sa Philippine Health Facility Development Plan (PHFDP) sa Department of Health (DOH) alang sa 2020-2040, gi-unhan ni babaeng Kongresista (CW) Vanessa C Aumentado ang pagpahiluna sa pagpa-usab sa Garcia Memorial Provincial Hospital sa Talibon nga sagad mi-alagad isip general hospitaol services ngadto sa usa na ka specialty hospital alang sa kababayen-an ug kabataan, pinaagi sa pagduso og balaodnon nunot niini.

Pinaagi sa House Bill 9699, inay hingusgan lamang sa DOH ang pagpalig-on sa maternal, neonatal, pediatric ug reproductive health services sa mga natukod na niining ospitals, ang balaodnon ni CW Aumentado maghimo sa usa na ka natukod nga pasilidad sa Garcia Provincial Hospital ngadto sa usa ka specialty hospital, ug magpadaku pa sa kapasidad sa serbisyo niini ngadto sa 150 na ka katre.

Ang Garcia Provincial Hospital kasamtangang may 75-bed capacity lamang.

Tumong man sa DOH ang pagpaluag sa akses sa katawhan sa de-kalidad nga batakang serbisyo, kining lakang sa babayeng Aumentado magpahiluna sa primary care facility alang sa maternal ug newborn care services, birthing facilities, ug lactation stations sa ospital nga Mother ug Baby Friendly, may rooming-in ug breastfeeding facilities, ug may Women's and Children's Protection Units alang sa mga violence victims.

Kon ang PHFDP, nagtutok sa pag-upgrade sa mga ospital ngadto sa specialty centers, ang pagtumbok sa usa ka specialty hospital mas lapad kay dinhi, gawas sa pagconvert sa Garcia Memorial Provincial Hospital ngadto sa Garcia Memorial Women and Children Specialty Hospital, magpadaku sa kapasidad sa maalagaran niini, may kuyog usab kini nga pundo alang sa pag-ugmad, pagpadagan ug pagmintinar sa bag-ong maconvert nga specialty hospital.

Giduso ni Kong Aumentado niadtong June 3, 2026, ang balaodnon moagi pa sa formal nga panel hearings ug public consultations sa House Committee on Health kon moagi na sa unang pagbasa niini.

Sa unang pagbasa niini, ang balaodnon pormal usab nga ipasa human sa plenary discussions, ngadto sa Committee on Health, nga gipangulohan ni Representative Ciriaco B. Gato Jr, diin timbangtimbangon ug debatihan ang gisugyot nga pagpapundo niini samtang susihon usab kon may lain pa bang ingon niining kalang aron mahiusa sa usa ka balaod. (PIAbohol)

KAY KAYA NA SA MGA RHUS. Buot ni Kongresista Vanessa Aumentado nga iconvert ang Garcia Memorial Provincial Hospital ngadto sa Garcia WOmena nd Children Specialty Hospital aron mas matapok ang mga eksperto nga mananambal sa usa lamang ka lugar ug mas sayon sa mga kababayen-an, buntis, angkan ug ang kabataan sa pagpatambal. (PIABohol/CVA)