Kagamhanan manghatag Og kontraseptibo sa mga kabus nga managti-ayon   IPANG-APUD-APUD sa kagamhanan ang mga kontraseptibo ngadto sa mga kabus nga magti-ayon nga mangay niini bisan pag babagan sa simbahan.   Kini maoy pahayag ni Presidente Benigno Simeon Aquino samtang iyang gipasabot nga ang pag-desidir kon pilay ilang anak katungod sa managti-ayon.   Apan, ag Catholic Bishops' Conference of the Philippines (CBCP) pinaagi sa usa ka opisyal niini mipadayag sa iyang kasagmuyo sa Administrasyon ni Aquino ilabi na sa laraw sa pagpang-apud-apod sa himan alang sa pagpugong sa pagpanganak.   Si Fr. Melvin Castro, executive director sa Episcopal Commission on Family and Life mibutyag nga iyang gipanghinaut nga dili gamiton sa Presidente ang hisgutanan sa family planning aron ilikay ang atensyon sa mga tawo sa nagtopun-og na nga kontrobersya sa Administrasyon ni Aquino.   Palasyo nangayo'g eksempsyon sa Comelec ban   GIPANGAYO sa Malacañang sa Commission on Elections (COMELEC) nga dili na iapil ang Presidente sa ban sa pagtudlo sa mga empleyado ug opisyal sa kagamhanan dala sa nagsingabot nga piliay sa baragay ug Sangguniang Kabataan.   Nalakip usab sa prohibisyon sa Comelec ang pagpabalhin ug pagmugna'g bag-ong posisyon sa kagamhanan, pagsuspenso sa mga napili nga opisyal ug paghatag og ugmad sa sweldo.   Segun sa balaod, kini nga prohibisyon ni-epekto na sukad sa Septembre 25 ug molanat pa nagdto sa Nobyembre 10.   Segun sa balaod usab, makahatag ang Comelec sa eksempsyon konmakita niini nga ang pagtumbok sa mga tawo sa posisyon gikinahanglan gayud sa pagpadagan sa kagamhanan.   Matud sa mga taho, gihimong rason sa Malakanyang ang paghangyo og eksempsyon tungod kay, amdtud pa sa tigpamaba niini, ang barangay elections 'non-partisan" ug walay bulok politika.   Gikataho usab nga kapin sa usa ka libo pa ka posisyon ang angay hulipan sa Palasyo nga pagadumalahon sa mga itutudlo nga moalagan sa kabubot-on sa Presidente. (PIA)