Aquino: 43,650 ka bag-ong trabaho gikan sa US investments   NI-abut na si Presidente Benigno Aquino III gikan sa iyang byahe sa Estados Unidos niadtong Martes og niingon nga ang $2.4 bilyones nga bag-ong investments atol sa iyang byahe makamugna og 43,650 ka bag-ong trabaho sa mosunod nga tulo ka tuig.   Ang mga kompanya nga interesadong mobutang og puhonan sa atong nasud mao ang: Coca-Cola, Pfizer, AES Corp., Hewlett-Packard, J.P. Morgan Chase, Global Services Inc., Century Properties, ug General Electric.   Matud pa sa Presidente nga ang maong mga investments nag-apil sa power generation, consumer products, business ug knowledge process outsourcing, health care, garments, ug leather goods.   Dugang pa ni Aquino nga nakakuha sila og pasalig nga dili mo ubos sa 43,650 ka bag-ong trabaho sa mosunod nga tulo ka tuig, apil na sa 4,500 ka construction-related nga trabaho ang magpa-abut. Ug tungod sa multiplier effect, gi tantiya nga adunay 200,000 nga dugang trabaho ang ma benepisyo sa katawhan.    Sa kinatibuk-an, ang pagbisita sa Presidente sa Estados Unidos nakakuha og $2.4 bilyones nga bag-ong  investments.   Gawas pa niini ang nadawat nga dugang hinabang nga $434 milyones gikan sa Millennium Challenge Corp. nga magpalapad sa existing social programs sa atong nasud.  (PIA-Bohol)   Pagsubli sa IIRC report nahuman na sa mga abogado sa Palasyo   NAHUMAN na sa pagsubli ang mga abogado sa Malacañang sa multi-sectoral investigation report sa nahitabong hostage crisis niadtong Agosto 23 nga ni resulta sa kamatayon sa walo ka turistang Intsik gikan Hong Kong, matud pa ni Executive Secretary Paquito "Jojo" Ochoa Jr.   Sa usa ka pagpakig-hinabi atol sa pag-abot sa Presidente didto sa Ninoy Aquino International Airport (NAIA) niadtong Martes,  si Ochoa niingon sa mga tigbalita nga siya ug si chief presidential legal counsel Eduardo de Mesa nahuman na sa pagsubli sa rekomendasyon sa Incident Investigation and Review Committee (IIRC) nga gi mandu ni Presidente Benigno "Noynoy" Aquino III.   Matud pa ni Ochoa nga andam na sila kon ipatawag sa Presidente alang sa usa ka meeting, apan nagdumili kini paghatag og pahayag sa resulta sa gihimo nilang pagsubli ug matud pa nga dili nila gustong pangunahan ang Presidente sa pagpagawas sa maong resulta sa publiko.   Sa wala pa nibiya si Presidente Aquino padung Estados Unidos sa niaging semana, iyang gimanduan silang Ochoa ug De Mesa sa pagsubli sa rekomendasyon sa IIRC.  (PIA-Bohol)