Comelec magsugod nag pag-imprenta sa voters ID cards   HAMAN sa dugay nga kalangan, ang Commission on Elections (Comelec) nihatag na gyud sa 'go signal' alang sa pagpa-imprenta sa mga voters' identification (ID) cards para sa labaw 34 ka milyon ka botante sa tibuok nasud.   Sa usa ka resolusyon, ang Comelec ni aprobar sa hangyo nga pagpa-imprenta og voters' ID cards human nasiguro nga ang mga talaan limpyo na sa multiple registrant.   Gibalita nilang Comelec Directors Teopisto Elnas (Operations) ug Ester Villaflor-Roxas (Technical Matters) nga labaw sa 35 ka milyon nga botante na ang nipaubos sa proseso pinaagi sa Automated Fingerprint Identification System (AFIS).   Matud pa nilang Elnas ug Villaflor-Roxas nga ang maong proseso nakatabang pag-ila ug pagtangtang gikan sa listahan sa gatusan ka libo nga multiple registrants.   Gawas sa 35 ka milyon nga na process sa ilang talaan, 738,640 ang natino nga tinuod ug ang maong talaan gihatag na ngadto sa mga field offices aron tangtangon na sa ilang listahan, dugang pa sa duha ka directors.  (PIA-Bohol)   Comelec: Walay drug test alang sa mga magpapili sa SK, Barangay eleksyon   WALA gikinahanglan ang drug test alang sa mga magpapili sa bisan unsang posisyon sa umaabot nga Sangguniang Kabataan ug barangay eleksyon sa Oktubre 25, kini matud pa ni Bohol Provincial Election Supervisor Eliseo Labaria.   Sa usa ka pagpakig-pulong, si Labaria niluwat sa maong pamahayag tungod kay wala may polisiya ang Comelec nga nag-require sa mga magpapili nga mopaubos og drug test sa pagpahigayon sa piniliay og sa filing sa certificate of candidacy nga magsugod sa Oktubre 1, 2010.   Ang Comelec mopahigayon sa piniliay balik sa manual nga eleksyon o dili na mogamit sa poll count optic scan (PCOS) machines.   Matud pa ni Labaria nga ang Comelec ni re-clustered sa mga presinto sa mga botante, ug gi-ubsan ang gidaghanon sa mga mo botar ngadto sa 500 sa 2 o 3 ka clustered presincts gikan sa liboan nga naghuot sa lima ka presinto atol sa milabay'ng Mayo 10, 2010 nga piniliay.    Ang pag-ihap sa mga balota human sa piniliay himuon sa karaan nga pamaagi, gamit sa ballot boxes.  (PIA-Bohol)