US mihatag og $434-M nga hinabang sa Pinas   ANG Estados Unidos nihatag sa Pilipinas og $434 milyones agig tabang sa pagtukod og mga dalan ug uban pang proyekto nga magpa-ubos sa kakabus ug pagbatok sa korapsyon.   Ang maong kantidad gihatag ubos sa Millennium Challenge Corporation (MCC) nga nagtabang sa mga  developing countries sa pagpa-ubos sa ilang level sa kakabus basta maabot ang performance criteria sa mando sa balaod ug democratic principles.   Matud pa ni MCC Chief Executive Officer Daniel Yohannes nga ang compact nga ilang gilagdaan gimugna ug alang sa mga katawhan sa Pilipinas   Nitambong sa maong pagpirma silang US Secretary of State Hillary Clinton ug Philippine President Benigno Aquino III.   $214.4 milyones ang gamiton sa pagtukod ug pag repair sa 220 kilometro nga Samar Road, nga mopa-uswag sa agianan sa mga merkado ug serbisyo alang sa mga mag-uuma, mananagat ug gagmay'ng negosyo sa ubang pinakakabus nga probinsya sa Pilipinas.   $120 milyones ang  gigahin sa pagtukod og mga critical infrastructure sama sa sistema sa patubig, klinika ug mga tunghaan.   Ang nahabiling $54.3 milyones itabang pag computerize ug streamline sa business processes sa Bureau of Internal Revenue nga gilaumang makatabang sa epektibong revenue collection ug pagpa-ubos sa kahigayonan sa korupsyon.  (PIA-Bohol)   Dugang trabaho gipanglantawan sa 4th quarter   ANG Department of Labor and Employment (DOLE) nipahibalo niadtong Huwebes nga adunay kahigayonan sa pagpangempliyo sa mga nangita og trabaho sa umaabot nga holiday season.   Si Labor Secretary Rosalinda Baldoz niingon nga nagkalain-laing industriya ang gipaabot mga mo hire og dugang mga trabahante sa katapusang tulo ka buwan ning tuiga diin ang mga commercial establishments sa tibuok nasud mangandam alang sa Pasko.   Bisan ang mga kabus apan may katakus  nga mga estudyante nga on Christmas vacation pwedeng temporaryong makatrabaho sa nagkalain-laing pribadong kompanya ug buhatan sa gobyerno sa tibuok nasud nga gihatag ubos sa  Special Program for Employment of Students (SPES).   Ang mga employers mobayad sa 60 porsyento sa minimum nga suholan sa mga estudyante samtang ang gobyerno ang mo abaga sa nahabiling 40 porsyento.  Ang mga working students entitled usab sa ubang mga benepisyo ug pribilihiyo ubos sa Labor Code.   Ang Republic Act 9547 o ang SPES Amendatory Law gipasar sa niaging tuig aron pagdasig sa mga  employers sa small and medium enterprises sa pagdawat sa mga kabus apan may katakus nga mga estudyante sa paghatag og oportunidad nga mokita og dugang samtang bakasyon.  (PIA-Bohol)