Pila lang ka mag-uuma na-reinstall sa

giilogang uma sa Buenavista, Carmen

Rey Anthony Chiu

TAGBILARAN CITY, Bohol, Abril 3, 2012 (PIA) – Dili pa tanan nga mag-uumang midawat sa titulo sa yuta nga tikaron sa Buenavista Carmen ang nahibalik sa ilang yuta human napalayas.

Kinio maoy kasayurang gipaambit sa Department of Agrarian Reform (DAR) Bohol human sa reinstallation nga gihimo sa imaging Biyernes.

Matud ni Ma. Lydia Bantugan, pipila lang sa napulo ka mag-uuma nga nakadawat na sa mga titulo sa yuta nga napailawom sa Comprehensive Agrarian Reform Programs (CARP) sa Buenavista Carmen ang nahibalik human pilit nga mihiklin dala sa pag-angkon sa ilang mga lote sa kanhi tag-iya sa yuta.

Kahinumduman nga na-tugyan na sa mga mag-uuma ang yuta nga kanhi gipanag-iya sa mga Cesar human usab kini na prenda sa usa ka komersyal nga bangko.

Apan human madeklaran ang yuta nga napailawom na sa CARP, gilukat sa mga sumusunod sa tag-iya sa na embargo nga propyedad ang luna.  

Gitugyan sa mga mag-uuma ang mga titulo nga nagpamatuod ng ila na ang mga luna niadto pang Septembre 2011 apan pipila lang ka adlaw, mipadayag sa pagsupak ang banay sa nakalukat sa yuta gikan sa bangko.

Didto, gipangkoral, matud pa ang mga luna ang na-tugyan na sa mga mag-uuma, hinungdan nga ang uban mipili na lamang sa paghiklin una hangtud nga mahusay ang boroka.

Gikataho usab nga may mga nakit-ang armadong kalalakinhan ug mga security guards nga nagbantay sa lugar nga gi-ilogan, bisan kon may mga mag-uumang nasulod ang ilang mga panimalay sa koral nga alambre.

Niadtong milabayng mga adlaw, gibalik sa pag-install ang mga mag-uuma apan pipila lang kanila ang didto sa lugar.

Ang bahan sa DAR Bohol giubanan usab sa mga tinugyanan sa kapolisan, army special forces ug sa sheriff sa DAR. (30)

============

Ubay 4Ps mitigum og P30 mil sa

mga biktima sa linug sa Negros

Rey Anthony Chiu

TAGBILARAN CITY, Bohol, Abril 3, 2012 (PIA) – Nagkahiusa ang mga benepisaryo sa Pantawid Pamilyang Pilipino sa Ubay pagtigum og tag P5.00 sa ilang conditional cash transfer agi og hinabang sa Negros.

Kapin sa P30 mil ka pesos and natapok sa mga ginikanan sa lungsod human sila magkahiusa aron kaltasan ang ilang gamay nga hinabang aron usab ihinabang.

Matud ni Aileen Lariba, information officer sa 4Ps, mibati ang mga benepisaryo sa Ubay sa gidangatan sa mga igsoon niini sa Negros Oriental nga nahiagum sa linug diin daghang mga kabus ang mas napa-lisud pa ang kahimtang dala sa kadaut sa katalagman.

Matud sa taho, so Joel Otero nga taga San Pascual, kauban sa mga benepisaryo mipadayag sa ilang kalooy sa mga taga Negros, sanglit ang mga taga silingang lalawigan, mao may gihimong sumbanan sa mga taga Bohol sa ilang pagpatuman sa 4Ps ug sa ubang mga programa sa DSWD.

Dyutay ra ang P5.00 apan misalign ang mga banapisarya sa 4Ps sa Ubay nga may mahimo na kini alang sa usa ka inahan nga wala gayuy kapadulngan, matud nila.

Gawas sa tag P5.00, may pipila usab ka benepisary didto nga mitunol sa mga tinubu-an ug mga gamit nga mahimo pang kapahimuslan sa mga biktima sa linug.

Ang pagtunol sa hinabang gisaksihan ni Mayor Eutiquio Bernales sa Ubay, Bohol 4Ps link  Angie Genil ug mga tinugyanan sa DSWD sa lungsod. (30)