DILG, nipasidaan batok sa pekeng opisyal

MANILA, November 14 (PIA)--Gipa-amping ang publiko sa Department of the Interior and Local Government (DILG) kalabot sa nadawat nilang taho nga adunay mga tawong nagpa-ilang opisyal sa ilang buhatan ug mangilkil sa mga proyekto sa local government units (LGUs).

Matud pa ni DILG Kalihim Ismael Sueno, ang pekeng opisyal sa DILG nagpaila sa alyas nga ‘Phia’ ug gigamit usab ang pangalang ‘Pia Alarcon’ ug giingong target niini ang mga local executives sa Luzon.

Base sa nadawat nga taho sa DILG, ang modus sa giingong pekeng opisyal mao ang pag-kumbinsir sa mga LGUs nga magsumiter og letter of request sa DILG alang sa funding sa local development projects.

Apil sa mga nabiktima na sa maong pekeng opisyal sa DILG ang mga local executives sa Pangasinan ug mga mayor sa Rehiyon 1, 2 ug 3 lakip na usab ang syudad sa Baguio. (ecb/PIA7-Bohol)