FOI, i-implementar na sa Nob. 25

MANILA, November 11 (PIA)--Gi-anunsiyo ni Presidential Communications Office (PCO) Kalihim Martin Andanar ang implementasyon sa Freedom of Information (FOI) sugod sa Nobyembre 25, ning tuig.

Matud pa ni Andanar, nangandam na ang mga ahensya sa gobyerno sa pagpatuman sa FOI nga parte sa inisyatiba mismo ni Presidente Rodrigo Duterte.

Kahinumdoman nga ang Executive Order No. 2 gilagdaan ni Duterte niadtong Hulyo 23, ning tuig.

Kini isip tubag sa Presidente sa panawagan sa pagpatuman sa kasihag o transparency sa gobyerno ug “full public­ disclosure” sa impormasyon.

“We have conducted workshops for the agencies of the Executive branch, aiming to ensure that all agencies will be able to institute their own internal procedures on handling the FOI requests,” matud pa ni Andanar.

Gihisgotan usab ni Andanar nga magpa-printa ang ilang buhatan og People’s Manual nga gamitong giya sa mga mag-request og impormasyon. (ecb/PIA7-Bohol)