8 ka bagsakan sa isda

gihatag sa BFAR dinhi

TAGBILARAN CITY, December 1 (PIA)--Human sa Community Fish Landing Center (CFLC) sa Inabanga, itugna na usab sa kagamhanan ang laing pito pa ka bagsakanan sa isda sa mga kalungsuran sa Bohol. 

Kini maoy giluwatan nga pahayag sa Bureau of Fisheries and Aquatic Resources (BFAR) pinaagi ni fishery officer Pedro Milana Jr. 

Sa Kapihan sa PIA, gibutyag sa BFAR nga sa 2016, 8 ka tag P3 milyones nga bagsakanan sa isda alang sa mga gagmay nga mananagat ang nakuha sa Bohol, pinaagi usab sa abag sa mga klokal nga kagamhanan. 

Kahinumduman usab nga una na nga gidawat sa kagamhanan ug gagmay nga mga mananagat sa Inabanga ang CFLC nga gipatukod human mihatag ang lungsod sa luna alang sa gambalay sulod sa merkado publiko sa Inabanga. 

Sa sunod nga mga adlaw, itugyan an usab sa BFAR, pinaagi ni Regional Director Allan Poquita ang CFLC sa Tubigon, segun sa taho sa BFAR. 

Gawas sa Inabanga ug Tubigon, nakadawat usab ang mga kalungsuran sa Anda, Ubay, Clarin, Calape, Carlos P Garcia ug Baclayon sa susamang multi-million nga proyekto.

Ang CFLC langkuban sa gambalay nga mga luna alang sa opisina, tigumanan, mga luna alang sa mga estante sa isda, freezers ug mga ekipo alang sa pagpanglab-as. 

Ang mga CFLC sa mga kalungsuran, segun pa sa BFAR, anaa na sa nagkadaiyang propseso sa pagtukod, ug ang lokal nga kagamhanan maoy nagdugang sa mga kinahanglanon pa aron makompleto ang pasilidad niini, dugang sa BFAR. 

Gawas sa ekipos ug mga kagamitang taban sa proyekto, mohatag usab ang BFAR sa mga bansaybansay aron magamit sa mga mangingisda'g mananagat sa ilang pagpadaghan sa ilang mga kuha, matud ni Dir Poquita. 

Sa 2017, laing unom ka mga kalungsuran ang mahimong makadawat sa susamang pasilidad, segun sa pahat nga naandam na alang sa tuig, matud ni Milana. 

Sa mag mayor nga interesado nga makakuha, mahimong mopadala lamang og letter of intent ngadto sa BFAR national Office, og kini mao ang unang lakang, sugyot sa BFAR. (rac/PIA-7/Bohol)

Natugyan an sa kagamhanan pinaagi sa BFAR ang CFLC sa Inabanga samtang mosunod niini sa dili madugay ang pagtahan sa P3 milyones nga susamang pasilidad sa Tubigon. Laing unom pa usab ka lungsod ang magbukas sa ilang bagsakan sa isda sa di madugay, segun sa BFAR. (rac/PIA-7/Bohol)