Panawagan sa DOH sa mga ginikanan:

bantayan ang mga anak sa Bag-ong Tuig

TAGBILARAN CITY, December 27 (PIA)--Nanawagan ang Department of Health (DOH) sa mga ginikanan nga siguradohon gayud ang kahilwasan sa ilang mga anak sa nagkaduol nga pagsugat sa Bag-ong Tuig.

Matud pa ni DOH Kalihim Paulyn Ubial, angay nga bantayan sa mga ginikanan ang mga paliton nga paboto sa ilang mga anak. 

Dugang pa sa Kalihim nga kun mahimo, maghimo na lamang og mga alternatibong paagi aron gamiton sa pagsaba-saba sa pagsugat sa Bag-ong Tuig.

Base sa talaan sa DOH, kadaghanan sa mga nabiktima sa paboto mga menor de edad man. (ecb/PIA7-Bohol)