SG ug PH, nagkauyon nga hingosgan ang kampanya 

batok sa terorismo ug ilegal nga droga 

MANILA, December 16 (PIA)--Nagkauyon sila Presidente Rodrigo Duterte ug Singaporean Prime Minister Lee Hsien Loong nga hingosgan ang kampanya batok sa terorismo ug ilegal nga droga.

Matud pa ni Department of Foreign Affairs (DFA) Kalihim Perfecto Yasay Jr., ang maong kasabotan sa duha ka lider parte lamang sa mga nahisgotan kalabot sa mutual cooperation sa Pilipinas ug Singapore.

Samtang sa state banquet nga gi-andam ni Singaporean President Tony Tan Keng Yam, gidayeg ni Presidente Duterte ang lig-on nga relasyon sa Pilipinas ug Singapore nga giingong parehong gitahod sa ilang kagawasan.

Kasamtangang naa sa Singapore ang Presidente human sa iyang state visit sa Cambodia. (PIA-Bohol/ecb)